Námskeið í styrkumsóknum innan skapandi greina
Skýið- skapandi skóli heldur námskeið í kvöld, 1. febrúar milli kl. 19.30 -21.30 í styrkumsóknum í skapandi greinum. Námskeiðið er fyrir listafólk og aðra sem starfa innan skapandi greina sem vilja fá stuðning við styrkumsóknaskrif. Skýið er skapandi skóli sem leggur áherslu á að kenna fjölbreytt námskeiði á ferskan og hnitmiðaðan hátt.
Farið verður yfir þá helstu þætti sem góð styrkumsókn þarf að innihalda, hvað ber að hafa í huga, hvað ber að varast og nytsamlegar aðferðir við styrkumsóknaskrifin kynntar til leiks. Markmið námskeiðsins er að gera þátttakendur betur undirbúna fyrir styrkumsóknaskrif ásamt því að setja hugmyndir sínar og verkefni fram á fagmannlegan hátt sem vænleg styrkverkefni. Námskeiðið er 2 klukkustundir og fer fram á Zoom.
Hvað verður lögð áhersla á?
- Hvað ber að hafa í huga við styrkumsóknaskrif
- Hvað þarf góð styrkumsókn að innihalda
- Hvað ber að varast í styrkumsóknaskrifum
- Yfirferð á helstu styrkjum
Í lok námskeiðisins eiga þáttakendur að hafa öðlast
- Góðan grunn fyrir styrkumsóknaskrif
- Reynslu af því að kynna verkefni sín sem vænleg viðskiptatækifæri
Kennari er Edda Konráðsdóttir, reyndur verkefnastjóri og ráðgjafi sprotafyrirtækja, rekur sitt eigið ráðgjafafyrirtæki ásamt því að vera stofnandi Nýsköpunarvikunnar.
Skýið er skapandi skóli sem leggur áherslu á að kenna fjölbreytt námskeiði á ferskan og hnitmiðaðan hátt. Boðið er upp á námskeið í hverjum mánuði fyrir fullorðna, börn og unglinga. Námskeiðin eru ýmist dagsnámskeið, helgarnámskeið eða mánaðarnámskeið fyrir fólk sem vill auka við þekkingu sína og sköpunarkraft og jafnframt búa sér til ný tækifæri. Allir kennarar eru fagfólk á sínu sviði og þekktir fyrir áhugaverða nálgun í kennslu og framsögu.