Hönnunarmars web.mp4

HönnunarMars 

HönnunarMars er hönnunarhátíð á Íslandi þar sem framsækin hönnun og nýjungar leiða saman sýnendur og gesti. HönnunarMars boðar nýjungar og óvænta nálgun. Hátíðin hefur verið haldin árlega frá árinu 2009 og er lífleg höfn hugmynda, ólíkra sjónarmiða og þekkingar, hreyfiafl sem auðgar og bætir samfélagið.

Dagskrá HönnunarMars fer í loftið mánuði fyrir hátíð. Þá má finna viðburði hvers dags undir flipanum “viðburðir”. 

Hvar sé ég tíma og staðsetningu viðburða

Alþjóðleg ráðstefna og lykilviðburður HönnunarMars. 

DesignTalks varpar ljósi á hvernig hönnun og arkitektúr getur tekið þátt í uppbyggingu og framþróun og verið hreyfiafl breytinga, á hlutverk og áhrifamátt hönnunar í samfélaginu en ólík þema einkenna dagskránna ár hvert. 

Lykilviðburður HönnunarMars frá 2009 og hefur síðustu ár farið fram fyrir fullu húsi í Silfurbergi í Hörpu. DesignTalks veitir hönnuðum og arkitektum, áhrifafólki í samfélaginu, viðskiptum, stjórnvöldum og almenningi, innblástur til samstarfs og framfara.

Heill dagur fullur af innblæstri þar sem alþjóðlegir hönnuðir, arkitektar og aðrir skapandi hugsuðir koma saman. Harpa er eitt af frægustu kennileitum Reykjavíkur og byggingin hlaut hin eftirsóttu Mies van der Rohe verðlaunin. 

Design Diplomacy viðburðir eru framleiddir í samstarfi við Helsinki Design Week sem á hugmyndina.

Erlendir sendiherrar bjóða hönnuðum frá sínum heimalöndum að taka þátt í opnu samtali við íslenska kollega á HönnunarMars. Sendiherrarnir opna dyrnar að heimilum sínum og veita gestum einstakt tækifæri til þess að hitta hönnuði og sækja sér innblástur.

Sérsniðin spurningaspjöld eru notuð til þess að hefja hönnunarmiðaða umræðu og kryfja til mergjar innblástur, daglega rútínu og vinnuferli hönnuða.

Frítt er inn á Design Diplomacy en skráning nauðsynleg.

Á DesignMatch mæta íslenskir hönnuðir erlendum kaupendum  og framleiðendum á kaupstefnu.

Þar gefst hönnuðum tækifæri á beinum samskiptum við aðila sem annars getur reynst erfitt að ná til. Á kaupstefnunni kynna hönnuðir sjálfa sig og verk sín, bæði ný og eldri. Markmiðið er að veita íslenskri hönnun brautargengi og stækka starfsumhverfi hönnuða. Samtal hönnuðar og kaupanda á deginum er upphaf að mikilvægum tengslum sem með áframhaldandi vinnu og viðhaldi getur þróast í dýrmætt samstarf.

Það fer ekki alltaf hátt hvað kemur út úr DesignMatch enda tekur oft langan tíma að koma á samstarfi milli aðila. Í kjölfarið hafa nokkuð margir hönnuðir unnið með erlendum fyrirtækjum og íslenskar hönnunarvörur hafa í auknum mæli sést í vöruframboði norrænna hönnunarfyrirtækja.

Verkefni sem komið hafa út úr DesignMatch er t.d. Shorebird eftir Sigurjón Pálsson fyrir Normann Copenhagen sem er önnur söluhæsta varan þeirra og Knotknot púði Ragnheiðar Aspar sem DesignHouse Stockholm kynnti með öðrum nýjungum árið 2017 og er ein af þeirra vinsælustu vörum.

HönnunarMars er stærsta kynningarafl íslenskrar hönnunar og arkitektúrs og endurspeglar þá grósku sem á sér stað árlega.

Dagskrá hátíðarinnar og innihald er miðlað markvisst til innlendra sem erlendra fjölmiðla af teymi hátíðarinnar, m.a í samstarfi við Íslandsstofu.

Við aðstoðum fjölmiðla sem vilja fjalla um hátíðina með glöðu geði. Við getum bent á viðburði og sýningar sem gætu hentað hverjum miðli fyrir sig og komum fjölmiðlum i samband við viðkomandi verkefnastjóra og hönnuði sé þess óskað.
Hafið samband við gudrunedda@honnunarmidstod.is til að fá frekari upplýsingar.

Presskit & ljósmyndir
Hér eru myndir og upplýsingar um hátíðina 2024

Sýningar og viðburður HönnunarMars fara fram vítt og breitt um Reykjavík og nágrenni.

Aðgengi er misjafnt eftir sýningarstöðum og mælum við því með að kynna sér það sérstaklega.

Umsóknarfrestur um þátttöku á HönnunarMars 2025 er frá 9. september til 17. nóvember 2024.

Fagráð HönnunarMars fer yfir og metur allar umsóknir.

Ef einhverjar spurningar vakna þá er hægt að hafa samband í pósti á info@honnunarmars.is eða í síma 771 2200.

Faghópur HönnunarMars fer yfir allar umsóknir og metur út frá gæðum og tækifærum til að móta fjölbreytta en skýra dagskrá sem byggir á faglegum, áhugaverðum og nýjum verkefnum sem höfða til ólíkra hópa. 

Hvernig fer val sýninga / viðburða fram?

30.000 kr. + vsk. - Félagar Miðstöðvar hönnunar og arkitektúrs

Stærri samsýningar, nemendasýningar og fyrirtæki vinsamlegast sendið póst á klara@honnunarmidstod.is varðandi þátttökugjöld.

Sýnendur bera sjálfir ábyrgð á að finna sér sýningarstað fyrir sýningar og viðburði þó auðvitað sé starfsfólk HönnunarMars boðið og búið að aðstoða svo sem frekast er kostur.