Hönnunarmars web.mp4

HönnunarMars 

tix.mp4

Uppspretta innblásturs og hugmynda á DesignTalks 2. apríl 2025

„Að þessu sinni leitum við í uppsprettuna fyrir innblástur og endurskoðun en hún er bæði upphaf og uppruni. Kyrrlátt ástand - og kvikt í senn.“ - Hlín Helga, stjórnandi DesignTalks um þema hátíðarinnar.

Innlendir og erlendir gestir úr ýmsum áttum hönnunar, arkitektúrs og skapandi greina snerta á þemanu og fjalla m.a. um verk sem takast á við nýja nálgun í auglýsingagerð, sköpun með gervigreind, samband okkar við jarðveg, arkitektúr sem „fornleifafræði framtíðar”, handverksarfleifðir frumbyggjasamfélaga, tísku, hverfulleika tilveru okkar og fjölskynjunarsögur sem hreyfa við öllum skynfærum.

Fernando sérhæfir sig í að umbreyta hversdagslegum, náttúrulegum hráefnum í fágaða hönnunargripi. Hann vinnur mest með plöntur, sem vaxa í upprunalandi hans Mexíkó og hafa gleymst eða glatað notagildi sínu með tímanum eins og sisal og maíslauf. 

Í hönnunarferlinu er efniviðurinn ásamt sögulegum og menningarlegum tengslum í aðalhlutverki, með það að markmiði að fanga kjarna staðarins. Hann er oft í samstarfi við samfélög frumbyggja og tekur á málefnum eins og loftslagsbreytingum, ógnum við líffræðilegan fjölbreytileika og fólksflutninga með hönnun.

Tryggðu þér miða á DesignTalks á Tix.is

Systkinin Inga, Jónsi, Sigurrós og Lilja ásamt Sindra og Kjartani mynda listasamsteypuna Fiscersund, sem sameinar myndlista- og tónlistargrunn meðlimanna í sterkt skapandi afl á sviði íslenskrar konsept samtímalistar. 

Sögulega svarta húsið við Fischersund 3, er hjartað í ilmunum þeirra. Þar birtist frásagnalistin í hverjum ilmi í fallegu samhengi við tónlist, myndlist og ljóðlist. Þau sækja innblástur í að bæði ilmur og tónlist kalli fram minningar. Þannig byggir hver ilmur á ákveðinni minningu og í kringum það skapa þau umlykjandi upplifunarheim.

Í gegnum árin hafa meðlimirnir haldið einkasýningar í söfnum og galleríum víðsvegar um heiminn, en Faux Flora sem opnaði síðastliðinn nóvember í National Nordic Museum í Seattle er fyrsta alþjóðlega sýning listasamsteypunnar. Um er að ræða alltumlykj­andi inn­setn­ingu þar sem hljóð, víd­eó­verk, ljós­mynd­ir, skúlp­túr­ar og ilm­ir mynda sam­an eina heild­ræna upp­lif­un.

Faux Flaura current exhibition - Nordic Museum

Emanuele Coccia er heimspekingur og prófessor í félagsvísindum við EHESS (École des Hautes Études en Sciences Sociales) í París. Hann er virtur rithöfundur og starfar með hönnuðum, listamönnum og menningarstofnunum um allan heim. DesignTalks fer fram í Hörpu þann 2. apríl, undir þemanu Uppspretta.

Í verkum sínum tekur Coccia á efnislegri tilveru samtímans, stöðu okkar og sambandi okkar við hana og stuðlar þannig að mikilvægu samtali um fagurfræði samtímans. Í bók sinni Líf plantna (2018) leggur hann til róttæka endurskilgreiningu á stað mannkyns innan sviðs lífsins, í bókinni Heimspeki heimilisins. Heimilisrými og hamingja (2021) kallar hann eftir enduruppbyggingu heimilisrýmis sem hugsanlegrar útungunarstöðvar fyrir félagslegar og efnahagslegar breytingar og í Líf forma. Heimspeki töfranna (2024) ásamt samstarfsmanni sínum til langs tíma Alessandro Michele fyrrverandi creative director hjá GUCCI, nú Valentino, kannar hann sambandi okkar við „hluti“ hvort sem þeir eru listaverk eða hversdagslegir hlutir eða, með hans eigin orðum: „föt eru ekki bara hlutir, þeir eru inngangur að öðrum veruleika“. 

Aðrir samstarfsaðilar eru m.a. FormaFantasma, Dotdotdot, Triennale di Milano, Cartier Foundation for Contemporary Art í París þar sem hann sýningarstýrði nýlega metnaðarfullri sýningu um tré og sýningu um list og vistfræði hjá 21. Century Museum of Contemporary Art, Kanazawa, Japan.

Lina Ghotmeh leiðir stofu sína - Lina Ghotmeh Architecture. Hönnun hennar endurómar upplifunina af Beirút og þann óróleika sem á þátt í að byggja upp hugmyndafræði um “fornleifafræði framtíðarinnar” þar sem ákveðin næmni, tenging við náttúruna og upprunann er ríkjandi. DesignTalks fer fram í Hörpu þann 2. apríl, undir þemanu Uppspretta.

Ghotmeh er á lista Dezeen yfir 50 valdamestu konur í arkitektúr og hönnun fyrir árið 2024 og á að baki innihaldsríkan feril. Meðal verka hennar eru „Stone Garden“ í Beirút sem hlaut Dezeen verðlaun fyrir verkefni ársins 2021 og var síðan sýnt á Feneyjartvíæringnum í arkitektúr, í MAXXI í Róm og í Cooper Hewitt safninu í New York. Eistneska þjóðminjasafnið var tilnefnt til Mies Van der Rohe verðlaunanna og Ateliers Hermés er fyrsta orku jákvæða byggingin með lágt kolefnisspor í Frakklandi. Lina Ghotmeh hannaði líka 22. Serpentine skálann í London. 

Ghotmeh hefur starfað sem Louis I Khan prófessor í Yale, Gehry formaður við Toronto háskóla og gegnt prófessorstöðu, Kenzo Tange við GSD Harvard á síðasta ári. Hún hefur hlotið Schelling arkitektúrverðlaunin og Great Arab Minds verðlaunin meðal annarra verðlauna og tilnefninga.

Ferdinando Verderi ber ábyrgð á sumu af róttækasta myndmáli tískuheims síðasta áratugar með brautryðjandi aðferðum í auglýsingagerð, sem miða að rannsókn nýrra tegunda skilaboða. Mörg verka hans hafa verið leiðandi bæði í auglýsingabransanum og tískuheiminum. 

Ferdinando er þekktastur fyrir samstarf sitt við Prada, starf sitt hjá Vogue Italia og sem hugmyndasmiðurinn að baki samstarfs Louis Vuitton x Yayoi Kusama. Hann hefur einnig leitt skapandi og stefnumótandi vinnu fyrir ýmis vörumerki á alþjóðavísu allt frá Google til Diet Coke, auk samstarfs við Chanel, Versace, Adidas Originals og Alexander Wang þar sem verkefnið var að endurstilla ímynd tískuhúsanna. Verk hans fyrir Adidas, sem unnið var með samstarfsfólki hans hjá Johannes Leonardo, átti þátt í áður óþekktum vexti fyrirtækisins og vakti mikla athygli. Ferdinando er margverðlaunaður og hefur meðal annars hlotið Grand Prix á Cannes International Festival of Creativity, D&AD og Grand Clio verðlaunin, þar sem hann hlaut flest verðlaun allra í flokki “fashion and beauty prestige” tvö tímabil í röð.

Arnhildur Pálmadóttir er fjölhæfur sérfræðingur með frumkvöðlaviðhorf og áherslu á að vinna að breytingum í arkitektúr og mannvirkjagerð. Hún er stofnandi s.ap arkitekta og rekur útibú Lendager arkitektastofunnar á Íslandi. Arnhildur hlaut menningarverðlaun Norðurlandaráðs 2024 og verður fyrsti fulltrúi Íslands á Feneyjatvíæringnum í arkitektúr í vor. 

Arnhildur hefur þverfaglegan áhuga sem hún notar til að takast á við verkefni frá ýmsum sjónarhornum. Hún hefur skrifað greinar og texta sem tengjast nýsköpun, tækni og sjálfbærni í hönnun og smíði auk þess að halda fyrirlestra um efnið. Hún rekur útibú danska arkitektúr- og nýsköpunarfyrirtækisins Lendager á Íslandi sem sérhæfir sig í sjálfbærni og hringrás í byggingariðnaði með því að hanna byggingar með helmingi minna kolefnisfótspor en hefðbundnar byggingar. Hún er einnig stofnandi s.ap arkitekta sem einbeitir sér að tilgátuverkefnum tengt arkitektúr með því að ímynda sér nýjan heim og kerfi sem hvetja til nýsköpunar og umbreyta því hvernig við hugsum um mannvirki. Eitt af verkefnum s. ap arkitekta er að kanna möguleikana á að stýra hraunrennsli til að skapa byggingar og borgir. Verkefnið, sem kallast „Lavaforming“, verður fyrsti fulltrúi Íslands á arkitektúrtvíæringnum í Feneyjum árið 2025. Arnhildur hlaut umhverfisverðlaun Norðurlandaráðs 2024 fyrir þverfaglega vinnu, áherslu á að draga úr losun CO2 í mannvirkjagerð og auka hringrás í byggingariðnaði.

Farmers Market er íslenskt hönnunarfyrirtæki, stofnað árið 2005 af hjónunum Bergþóru Guðnadóttur hönnuði og Jóel Pálssyni tónlistarmanni. Innblástur er sóttur í ræturnar; íslenska arfleið, náttúru og menningu svo úr verður vörulína þar sem klassísk norræn hönnunarstef kallast á við mínímalískan módernisma þar sem sveitarómantíkin er aldrei langt undan.

Sjálfbærni, notagildi og virðing fyrir umhverfinu eru leiðarstef Farmers Market en fatnaðurinn hentar við fjölbreytt tilefni, útivist til jafns við borgarlíf.

"Við staðsetjum okkur á krossgötum, skurðpunkti þar sem fortíð mætir nútíð, hið þjóðlega mætir hinu alþjóðlega og sveitin mætir borginni. Okkur þykir spennandi að bræða saman þessa heima.” - Bergþóra Guðnadóttir, hönnuður

Bergþóra Guðnadóttir og Jóel Pálsson

Niceaunties er listamaður og hönnuður, sem sækir innblástur frá áhrifamiklum konum í fjölskyldu sinni og þarlenda “frænku menningu”. 

Helstu viðfangsefni hennar eru öldrun, fegurð, persónulegt frelsi og daglegt líf, en sköpunin fer fram með aðstoð gervigreindar. Það gætir áhrifa súrrealisma, fantasíu og “kawaii” menningu í verkum hennar sem standa fyrir valdeflingu og sjálfstjáningu. 

Niceaunties verkefnið kom fram hjá TED í Vancouver 2024 og hefur verið sýnt á sýningum og galleríum um allan heim, s.s. Digital Art Mile á Art Basel 2024, PhotoVogue í Mílanó 2023, Expanded.Art galleríinu í Berlín 2024 sem og auglýsingaskiltum á Times Square og Sunset Boulevard. 

Hún lét gott af sér leiða til góðgerðaruppboðs Christie's 'Creating Connections' 2023 og sýndi nýlega verk sín á Christie's 2024 Art + Tech ráðstefnunni í New York. Verk hennar hafa verið birt í Straits Times, Forbes og Guardian.

Johanna Seelemann leiðir hönnunarstofu sem kannar efnismenningu í tengslum við hversdagslega hluti og samhengi þeirra, framleiðslukerfi og vistfræðilega hringrás, með það að leiðarljósi að skapa margþætta möguleika til framtíðar.

Áhersla er lögð á þverfaglega nálgun sem getur leitt til vöru, sýninga eða stefnumótunar.

Verk Seelemann hafa verið sýnd í V&A í London, Villa Noailles í Hyères, Museum of the City í New York og hönnunarsafninu Design Museo í Helsinki. Johanna Seelemann var tilnefnd til Dezeen verðlaunanna 2023 í flokknum “Emerging Designer of the Year”.

Innsetning hennar á DesignTalks, mun snúast um tengingu nútíma samfélaga við jarðveg. Verkið, sem er nýtt og ber titilinn “Soil Assembly” er unnið undir handleiðslu Fiona Raby, úr tvíeykinu Dunne&Raby.  Hljóðhönnun er unnin í samstarfi við Áskel Harðarson, hreyfihönnun í samstarfi við Felix Hobrücker, og jarðvegsfræðingurinn Ólafur Gestur Arnalds tók þátt í textavinnu. Verkið er styrkt af Forecast Festival, sem er vettvangur tileinkaður hvatningu til skapandi starfshátta og kynningu djarfra iðkenda.

Lonny van Ryswyck og Nadine Sterk eru stofnendur Atelier NL, sem notar hönnun til að tengja samfélög við auðlindir og verðmæti í nærumhverfi. Verk þeirra snúast um að kanna möguleika og tækifæri í staðbundnum hráefnum og framleiðslu með því að einbeita sér að fínleika jarðarinnar undir fótum okkar

“Öflugar birtingarmyndir náins sambands okkar við frumefni plánetunnar okkar - Michael Wellan, breskur jarðfræðingur & sérfræðingur í sandi

James Merry er frá Bretlandi en búsettur hér á landi þar sem hann hefur unnið með tónlistarkonunni Björk frá árinu 2009. Sem samstarfsaðili og einn af listrænum stjórnendum á sjónrænu efni Bjarkar. 

Hann er hvað þekktastur fyrir framúrskarandi handbragð í handavinnu og grímugerð þar sem hann hefur unnið fyrir og með stofnunum á borð við V&A, Gucci, The Royal School of Needlework, Tim Walker, Tilda Swinton og Iris Van Herpen.

Hönnuður, listamaður og verðlauna mynd- og rithöfundurinn

Rán Flygenring er grafískur hönnuður og starfar sem mynd- og rithöfundur, listamaður og hönnuður auk þess að stunda nám í heimspeki. 

Rán hefur skrifað og myndlýst hátt í annan tug bóka, ein og í samstarfi við aðra höfunda, bæði á Íslandi og Þýskalandi. Hún hefur einnig látið til sín taka á sviði snarteikninga á ráðstefnum og fundarhöldum sem og notkun myndrænnar greiningar í stefnumótun, jafnréttismálum, umhverfismálum og aktivisma. Þá hefur hún málað bæði fjallgöng og veggmyndir, krotað á frímerki og bjórdósir, haldið vinnustofur og erindi, stofnað lundahótel og Kaupaekkertbúð, teiknað borgarlausnir og leikstýrt myndböndum. Rán hefur hlotið fjölda verðlauna og viðurkenninga fyrir verk sín, hérlendis og erlendis.

Arkitekt, uppfinningamaður og framleiðandi

Arkitektar bragðs; næring fyrir bæði huga og maga. 
Hönnunarstofan Bompas & Parr er staðsett í London en starfa á heimsvísu og þekkt sem leiðandi á sviði upplifunarhönnunar. Upphaflega slógu þeir Sam Bompas og Harry Parr í gegn fyrir sérfræðikunnáttu sína í að vinna með ætt hlaup í ýmsum myndum og stofnuðu í kjölfarið skapandi hönnunarstofu sem sérhæfir sig í matar- og drykkjarhönnun, vörumerkjaráðgjöf og upplifunum.

Harry Parr er arkitekt, uppfinningamaður og framleiðandi. Hann stofnaði með Bompas & Parr árið 2007 og British Museum of Food árið 2015. Sem meðstofnandi Bompas & Parr hefur Harry áhuga á að skapa upplifun sem sameinar mat og drykk. 

Heimasíða

Grafískur hönnuður, stílisti, listrænn stjórnandi og ljósmyndari

Lisa Lapauw er belgískur grafískur hönnuður, stílisti og art director sem hefur unnið í öllu frá skartgripaherferðum til leikmyndahönnunar og sýninga. Hún þróar einstaka fagurfræði fyrir hvern viðskiptavin og beinir alltaf athyglinni að skilaboðunum á bak við eða innan hins myndræna. List og markaðssetning geta unnið saman en Lisa telur að í hverju verkefni, hvort sem það er listrænt eða markaðstengt, eigi að hafa skilaboð sem eru jákvæð og upplífgandi. 

Mous Lamrabat er ljósmyndari þekktur fyrir óhefðbundna nálgun sína á ljósmyndun og creative direction. Hann  skoðar mismunandi hugmyndir um að tilheyra og ef ætti að teikna rauðan þráð í gegnum verk hans og ástríðu, þá væri það kraftur kvenna, tilgangsleysi kynþáttafordóma og fegurð Afríku. 

Saman mynda þau teymið Lisa&Mous og sérhæfa sig í listrænni nálgun sem sameinar tísku og hönnun með virðingu fyrir og innblástur í arfleifð og minningar. 

rithöfundur, ræðumaður, kvikmyndagerðarmaður og sjálfbærnileiðtogi. 

Hrund leiðir saman hugmyndir og fólk þvert á fög og atvinnugreinar til að veita skapandi hugarfari og uppbyggilegum lausnum brautargengi. 

Hrund er sannfærð um að breytingar byrji innan frá og byggir á víðtækri og alþjóðlegri reynslu sinni, allt frá sjálfbærum fyrirtækjum, endurbyggingu og þróun eftir átök, kvikmyndagerð, listum til ýmissa hlutverka í einkageiranum og opinbera geiranum þar sem hún hefur leitt nýsköpunarverkefni. 

Hrund er ráðgjafi hjá Yale International Leadership Centre, stjórnarmaður í Eyrir Invest og sendiherra Nordic Ignite Angel. Hún hefur hlotið viðurkenningar fyrir störf sín sem Yale World Fellow, World Economic Forum Young Global Leader og Cultural Leader og sjálfbærnileiðtogi Íslenska sjávarklasans.

Innanhússarkitekt , fyrrum ritstjóri FRAME tímaritsins og stofnandi Betterness

Thiemann hefur ástríðu fyrir hinu byggða umhverfi. Hvernig hægt sé að bæta það til þess að einstaklingar og samfélög blómstri en að minnka á sama tíma áhrif þess á jörðina? Robert Thiemann nýtti 25 ára sérþekkingu hjá FRAME til að koma á fót BETTERNESS til að efla fyrirtæki og stofnanir til að sjá fyrir sér, hanna og byggja mikilvægl rými í óstöðugum heimi.. BETTERNESS er  ráðgjafa- og umboðsskrifstofa fyrir rýmishönnun, sem tengir fyrirtæki og stofnanir við arkitekta, listamenn, hönnuði, framleiðendur, vísindamenn og tæknifræðinga út frá skilgreindum markmiðum. 

„Fólk eyðir 90% af tíma sínum innandyra. Það er kominn tími til að hvert rými skipti raunverulegu máli.“
Betterness

Arkitekt, einn af stofnendum og framkvæmdastjórum MASS Design Group

Alan er einn af stofnendum og framkvæmdastjórum MASS Design Group (Model of Architecture Serving Society) sem telur að arkitektúr hafi mikilvægu hlutverki að gegna við að styðja samfélög til að horfast í augu við söguna, búa til nýja, vera heilandi afl og varpa fram nýjum möguleikum til framtíðar. Alan leggur sjálfur áherslu á að rannsaka, byggja og tala fyrir arkitektúr sem stuðlar að réttlæti og mannlegri reisn. 

MASS Design Group hlaut National Design Award for Architecture frá Cooper Hewitt Smithsonian Design Museum og var útnefnt fyrirtæki ársins af American Institute of Architects árið 2022. Árið 2020 hlaut stofnunin einnig viðurkenningu sem nýsköpunarfyrirtæki ársins hjá Wall Street Journal.

Vefsíða
Instagram 

Að Fléttu standa hönnuðirnir Birta Rós Brynjólfsdóttir og Hrefna Sigurðardóttir,  þær hafa unnið saman að fjölbreyttum verkefnum þar sem endurnýting hráefna og staðbundin framleiðsla spila lykilhlutverk. 

Á yfirborðinu einkennast verk þeirra af leikgleði og léttleika en undir niðri krauma gagnrýnar spurningar. Þær setja sér skorður hvað varðar efnisnotkun og vinnuaðferðir í von um að móta nýjar og sjálfbærari leiðir til að hanna og umgangast hluti. Flétta hlaut nýverið tvenn verðlaun á Hönnunarverðlaunum Íslands 2023 í flokkunum verk og vara.

Flétta, Hrefna Sigurðardóttir og Birta Rós Brynjólfsdóttir

Ervin er verðlauna fata- og mynsturhönnuður og stofnandi merksins Latimmier. Samhliða hönnun heldur Latimer fyrirlestra og sinnir ráðgjöf á sviðið fordómalausra aðferðafræði, tísku, hinseginn menningar og karlmennsku. 

Sigga Soffia útskrifaðist með BA-gráðu í dansi frá Listaháskóla Íslands árið 2009 og var í skiptinámi í “acrobatics” í Brussel, Ecole Superior des Arts de Cirque. Síðar útskrifaðist hún með MBA gráðu frá RU 2021. Hún er þekktust fyrir flugeldasýningar sínar, þar sem hún var með listræna stjórn á flugeldasýningu menningarnætur í Reykjavík og La Mercé hátíðina Barcelona 2017. Hún hefur hlotið mikið lof fyrir verk sín, nú síðast bjartsýnisverðlaun forseta Íslands 2023 og bæjarlistamaður Seltjarnarnes árið 2024. 

Sigga Soffia hefur m.s sungið eitt aðalhlutverkið í Opéra de Rouen í Frakklandi, dansað á tískuvikunni í París og stýrt  danssýningu fyrir 3 tonna flugeldasýningu í miðborginni. Nú er hún höfundur og hefur fært sig frá ljóðlist yfir á stóra svið Þjóðleikhússins þar sem hún skrifaði og leikstýrði fyrsta stóra leikverki sínu. Í HönnunarMars halda verk hennar með flugeldum og blómum á lofti með verkefninu Eldblóm - hvernig dans varð að vöruhönnun, sem verður opnað í Hönnunarsafni Íslands þann 23. apríl.