Homepage

Formaður dómnefndar og forstöðumaður Hönnunarsafns Íslands

Sigríður Sigurjónsdóttir er formaður dómnefndar, hún er forstöðumaður Hönnunarsafns Íslands og fulltrúi safnsins í dómnefnd. Sigríður lauk BA prófi frá West Surrey Institute of Art and Design í þrívíðri Hönnun og M.A prófi í Design Studies frá Central Saint Martins College of Art and Design. Sigríður starfaði hjá Central Saint Martins Design Lab efir útskrift og í framhaldinu hjá hátæknifyrirtækjum í Amsterdam og London sem hönnuður og hugmyndasmiður. Hún starfaði sem prófessor og fagstjóri í vöruhönnun við Listaháskóla Íslands frá 2004 til 2012 og stofnaði og rak Spark Design Space hönnunargallerí við Klapparstíg á árunum 2010 - 2016. 

Sviðstjóri samfélags og sjálfbærni hjá Listaháskóla Íslands

Fatahönnuður og sviðstjóri samfélags og sjálfbærni við Listaháskóla Íslands og fulltrúi skólans í dómnefnd. Eva María er með BA í fatahönnun við Listaháskóla Íslands og Msc í stjórnun fyrirtækja frá Stockholm School of Economics. Hún er með yfir 12 ára reynslu í fataiðnaðinum frá París, New York, Stokkhólmi og Íslandi. 

Arkitekt og eigandi hjá T.ark arkitektum

Arkitekt og einn eigandi atkitektastofunnar T.ark. Halldór er með MArch gráðu frá University of Virginia og hefur starfað sem stundakennari í arkitektúr bæði hérlendis og erlendis. Hann var fagstjóri Arkitektúrdeildar LHÍ 2003 - 2006. Halldór er stjórnarformaður Framkvæmdasjóðs Ferðamannastaða og formaður Samtaka Arkitektastofa. 

Sigurlína er með meistaragráðu í keramik frá University of Art and Design Helsinki (nú Aalto University) og kennsluréttindi. Hún er fyrrum deildarstjóri keramikbrautar við Myndlistaskólann í Reykjavík (MíR) og starfaði þar í 13 ár. Þar áður starfaði hún í Finnlandi m.a. við umsjón með framleiðslu á keramikvöru hjá fyrirtækinu Sun Ceramics og við kennslu í myndlist og keramik. Hún er meðlimur í leirlistafélaginu og situr í stjórn Handverks og hönnunar en markmið þeirra stofnunar er að efla og standa vörð um handverk á Íslandi. Hún hefur starfað að fjölmörgum verkefnum í gifsmótagerð og smáframleiðslu fyrir aðra hönnuði og leirlistafólk. 

Gullsmiður og eigandi Smiðsbúðarinnar

Erling Jóhannesson útskrifaðist sem gullsmiður frá Tækniskólanum í Reykjavík 1983 og stundaði framhaldsnám í Florens á ítalíu. Hann útskrifaðist sem leikari frá Leiklistarskóla Íslands 1990 og hefur frá þeim tíma unnið jöfnum höndum sem gullsmiður, leikari og leikstjóri auk þess að sinna fjölda trúnaðarstarfa fyrir fagfélög listamanna, hann lauk  meistaranámi í menningarstjórnun frá háskólanum á Bifröst árið 2022. Erling hefur tekið þátt í fjölda skartgripa- og hönnunarsýninga bæði hér heima og erlendis og rekur í dag Smiðsbúðina vinnustofu og sýningarrrými við gömlu höfnina í Reykjavík. Erling hefur gengt starfi forseta Bandalags íslenskra listamanna á árunum 2018-2024.

Dagskrárgerðarmaður á RÚV þar sem hún sinnir mestmegnis menningartengdri miðlun í þáttum á borð við Menningin, Kastljós og sértækri þáttagerð þar sem helstu viðfangsefni er myndlist, kvikmyndir, sviðslistir, hönnun og ljósmyndun. Guðrún Sóley hefur tvívegis kynnt Hönnunarverðlaun Íslands og DesignTalks ásamt því að vera mikil áhugamanneskja um greinina. 

Almannatengsla- og samskiptastjóri Samtaka iðnaðarins

Almannatengsla - og samskiptastjóri Samtaka iðnaðarins. Margrét er viðskiptafræðingur MSc/MBA og starfaði lengi hjá Árvakri, útgefanda Morgunblaðsins og mbl.is. Hún hefur m.a. verið formaður Myndlistarráðs og formaður dómnefndar Íslensku myndlistarverðlaunanna. Margrét hefur setið í dómnefnd Hönnunarverðlauna Íslands undanfarin ár.

Framkvæmdastjóri DOGA, miðstöðvar hönnunar og arkitektúrs í Noregi. Tor er menntaður arkitekt með áherslu á nýsköpun og borgarumhverfi ásamt því að vera með gráðu í stjórnun frá Haas business school í Berkley. Hann hefur sinnt stjórnunarstörfum í atvinnulífinu og hjá hinu opinbera ásamt því að sinna kennslu, sýningarstjórnun auksetu í fjölbreyttum nefndum, stjórnum og dómnefndum á alþjóðavettvangi. 

Dómnefnd Hönnunarverðlauna Íslands er skipuð átta fagmönnum úr hópi hönnuða og arkitekta, þremur skipuðum af stjórn Miðstöðvar hönnunar og arkitektúrs, einum skipuðum frá Hönnunarsafni, sem jafnframt er formaður, einum fulltrúa frá Listaháskóla Íslands, einum utanaðkomandi, einum erlendum fulltrúa auk fulltrúa frá Samtökum iðnaðarins.

Dómnefnd tilnefnir þrjú verkefni í hverjum flokki og af þeim hlýtur einn sigurvegari í hverjum flokki Hönnunarverðlaun Íslands 2024 sem eru hvoru tveggja heiðurs- og peningaverðlaun.