„Ég ætlaði varla að trúa mínum eigin augum þegar ég sá að allar þessar stórstjörnur úr hönnunar heiminum væru að koma hingað til Íslands,“ segir Rósa Hrund Kristjánsdóttir, sköpunarstjóri. Tilefnið er AGI Open, alþjóðleg hönnunarráðstefna sem fer fram í Reykjavík 1. og 2. október og leiðir saman einstakan hóp fólks sem hefur haft mótandi áhrif á grafíska hönnun og sjónræna menningu síðustu áratuga.

Christian Bason hefur um árabil unnið á mörkum hönnunar, stjórnunar og samfélagsbreytinga. Hann kemur til Íslands og heldur MasterClass á vegum Miðstöðvar hönnunar og arkitektúrs í Grósku 16. september. Í viðtali við Miðstöð hönnunar og arkitektúrs ræðir hann meðal annars námskeiðið þar sem hann býður stjórnendum og fagfólki í skapandi greinum, arkitektum, hönnuðum og öðrum sem eru að vinna í umhverfi sem er að breytast mjög hratt, upp á áhugaverða aðferðafræði sem er byggð á bókinni hans Expand.

Á fyrsta fyrirlestri vetrarins hjá Miðstöð hönnunar og arkitektúrs beinum við sjónum að breytingum og framtíðinni. Hvaða breytingar eru í vændum og hvernig getum við undirbúið okkur sem best fyrir það sem tekur við?

Sýningin Samfélag í bleyti hefur verið valin sem framlag Íslands á 20. alþjóðlega Feneyjatvíæringinn í arkitektúr sem fer fram árið 2027. Miðstöð hönnunar og arkitektúrs hefur umsjón með íslenska skálanum fyrir hönd menningar-, nýsköpunar- og háskólaráðuneytisins. Samfélag í bleyti veltir upp spurningum um samfélagslegt hlutverk arkitektúrs og setur íslenska baðmenningu fram sem einstakan vettvang jafnræðis og mótvægi við aukinn einmanaleika og sundrung samtímans.

Arkitektastofan ALARK arkitektar hlýtur fyrstu verðlaun í samkeppni um skipulag Akureyrarvallar og nágrennis. Alls bárust 16 tillögur í samkeppnina sem Akureyrarbær efndi til í samstarfi við Arkitektafélag Íslands. Ein tillaga reyndist ógild og fjallaði dómnefnd því um 15 gildar tillögur.

Á HönnunarMars stóð Félag íslenskra landslagsarkitekta, FÍLA fyrir vel heppnuðum viðburði, þar sem gengið var um Urriðaholt í Garðabæ. Í gönguferðinni var sjónum beint að því hvernig landslagshönnun, græn svæði og leikrými móta hverfið og daglegt líf íbúa þess.

Auglýst eftir framboðum frá öflugum fulltrúum fagfólks úr baklandi Miðstöðvar hönnunar og arkitektúrs til setu í ólíkum stjórnum á vegum miðstöðvarinnar. Vinsamlegast athugið að einungis félagsmenn fagfélaga Miðstöðvarinnar geta boðið sig fram.

Aðalfundur FÍLA 22.apríl 2026 í Grósku

Nú á öðrum fyrirlestri nýs árs beinum við sjónum að hringrás efna í vörum og textíl og hvernig hönnuðir fara að því að taka efnastrauma og beina þeim í nýja farvegi og endurskapa. Næsti fyrirlestur verður haldinn miðvikudaginn 11. febrúar kl. 9 í Grósku en húsið opnar 8:30 með kaffi og kruðerí.

Miðstöð hönnunar og arkitektúrs heldur opinn kynningarfund fyrir umsækjendur um styrki Hönnunarsjóðs. Kynningarfundurinn verður rafrænn og fer fram föstudaginn 23. janúar frá kl. 12:00 - 13:00.

Langar þig að starfa eða halda viðburð í suðupotti nýsköpunar og hönnunar á Íslandi? Gróska hugmyndahús er suðupottur nýsköpunar á Íslandi og öflugt umhverfi fyrir einstaklinga og fyrirtæki þar sem hugmyndir verða að veruleika innan um auðugt mannlíf og menningu.

HönnunarMars er mest sótta hátíðin samkvæmt nýrri könnun Prósents en spurt var hvaða menningarhátíð fólk hefur sótt síðustu þrjú ár. Tíu prósent sóttu HönnunarMars, átta prósent sóttu Listahátíð í Reykjavík, sex prósent Iceland Airwaves og fimm prósent kvikmyndahátíðina RIFF.