HA / Fréttir

Íslensk baðmenning og arkitektúr eru í sviðsljósinu í nóvemberhefti franska hönnunartímaritsins ELLE Décoration. Þar er meðal annars fjallað um verk Basalt arkitekta og SOAK, framlag Íslands til Feneyjatvíæringsins í arkitektúr árið 2027, þar sem íslensk baðmenning og mikilvægi sundlauga sem félagslegra samkomustaða verður í forgrunni.

Átta íslenskar listakonur sem allar vinna með leir, kanna mörkin milli notagildis og listrænnar tjáningar á samsýningunni VASI/FASI sem opnar í SÍM Gallery við Hafnarstræti þann 24. október næstkomandi. Þar fær vasinn nýtt hlutverk sem vettvangur fyrir sköpun, tilraunir og leik með efni og form.

Jón Helgi Hólmgeirsson er hönnuður í fókus í októbermánuði. Hann er vöru- og samspilshönnuður sem hefur komið víða við á sínum ferli. Hann hefur meðal annars hannað fyrir IKEA, Norður Salt, FÓLK Reykjavík og Genki Instruments, þar sem hann starfaði sem yfirhönnuður í átta ár. Í dag er hann fagstjóri meistaranáms í hönnun við Listaháskóla Íslands, situr í listrænu teymi DesignTalks 2027 og hefur nýverið opnað sýningu þar sem blóm vakna til lífsins í samspili ljóss og skugga.

„Ég ætlaði varla að trúa mínum eigin augum þegar ég sá að allar þessar stórstjörnur úr hönnunar heiminum væru að koma hingað til Íslands,“ segir Rósa Hrund Kristjánsdóttir, sköpunarstjóri. Tilefnið er AGI Open, alþjóðleg hönnunarráðstefna sem fer fram í Reykjavík 1. og 2. október og leiðir saman einstakan hóp fólks sem hefur haft mótandi áhrif á grafíska hönnun og sjónræna menningu síðustu áratuga.

Christian Bason hefur um árabil unnið á mörkum hönnunar, stjórnunar og samfélagsbreytinga. Hann kemur til Íslands og heldur MasterClass á vegum Miðstöðvar hönnunar og arkitektúrs í Grósku 16. september. Í viðtali við Miðstöð hönnunar og arkitektúrs ræðir hann meðal annars námskeiðið þar sem hann býður stjórnendum og fagfólki í skapandi greinum, arkitektum, hönnuðum og öðrum sem eru að vinna í umhverfi sem er að breytast mjög hratt, upp á áhugaverða aðferðafræði sem er byggð á bókinni hans Expand.

Hönnuður í fókus í septembermánuði er Sóldís Finnbogadóttir, grafískur hönnuður hjá Studio Dumbar. Þegar Sóldís Finnbogadóttir hélt til Rotterdam sumarið 2021 var planið að dvelja þar í þrjá mánuði í starfsnámi hjá Studio Dumbar. Fimm árum síðar er hún þar enn. Hún segir frá lífinu í Rotterdam, verkefnum sínum og AGI Open sem fer fram hér í Reykjavík í október.

Hulda Jónsdóttir arkitekt er stofnandi og eigandi arkitektastofunnar HJARK. Verkefni hennar hafa vakið athygli bæði hér heima og erlendis og á dögunum varð hún fyrsti Íslendingurinn til að hljóta hina virtu Europe’s 40 Under 40 viðurkenningu, sem veitt er efnilegustu arkitektum og hönnuðum Evrópu undir fertugu. Hulda er Hönnuður í fókus í þessum mánuði.

Svala Jónsdóttir innanhússarkitekt hefur búið og starfað víða um heim en rekur í dag eigin hönnunarstofu í Kópavogi. Hún segir íslenskan innanhússarkitektúr vera á spennandi stað, þar sem meiri áhersla sé lögð á efni, upplifun og endurnýtingu þess sem fyrir er. Hún vill einnig sjá innanhússarkitekta fá meira vægi í byggingarferlinu og hvetur fólk til að leita til þeirra fyrr í verkefnum.

Hönnunarsafn Íslands býður upp á spennandi sumarnámskeið fyrir krakka á aldrinum 9-12 ára í sumar. Fatahönnun, innanhússarkitektúr og húsgagnahönnun verða kynnt með leikgleði, sköpunarkraft og ímyndunarafl að leiðarljósi. Fræðslustarf safnsins hefur vakið athygli út fyrir landsteinana, en á nýafstöðnum HönnunarMars var yfirlitssýning um starfið valin sem ein af 10 hápunktum hátíðarinnar af hinu virta Dezeen magazine.

Fischersund heldur ilmtónleika á tískuvikunni í París í dag, fimmtudaginn 5. mars. Fischersund í samstarfi við Dover Street Market Paris býður gestum og gangandi í einstakt og yfirgripsmikið kvöld þar sem lifandi tónlist, myndlist og ilmur renna saman í eina heildstæða skynupplifun. „Við erum mjög heppin og snortin yfir því hversu mikill áhugi er á Fischersund í heiminum,“ segir Lilja Birgisdóttir í Fischersund.

Guðbjörg Ingvarsdóttir er hönnuður í fókus í marsmánuði. Hún er einn fremsti gullsmiður landsins og gríðarlega skapandi. Guðbjörg og maðurinn hennar, Karl Jóhann Jóhannsson, stofnuðu Aurum árið 1999 sem hefur vaxið og dafnað til dagsins í dag. Hún segir að þegar þau fóru að sjá kynslóðir versla hjá þeim var það ljóst að uppskeran hafi borið raunverulegan árangur. „Það er þessi tenging, traust og samfella sem gerir okkur stolt,“ segir Guðbjörg.

Tæknifræðideild Háskólans í Reykjavík mun fara af stað með nýja námsleið í Hönnunar- og vörutæknifræði BSc í haust en þetta nýja nám er kærkomin viðbót við það fjölbreytta hönnunarnám sem í boði er hér á landi. Námið sameinar tækni, vöruhönnun og vöruþróun á traustum grunni raungreina en í náminu er einnig lögð áhersla á stjórnun þróunarteyma og verkefna sem og starfsnám og skiptinám.