HA / Fréttir

Nú á öðrum fyrirlestri nýs árs beinum við sjónum að hringrás efna í vörum og textíl og hvernig hönnuðir fara að því að taka efnastrauma og beina þeim í nýja farvegi og endurskapa. Næsti fyrirlestur verður haldinn miðvikudaginn 11. febrúar kl. 9 í Grósku en húsið opnar 8:30 með kaffi og kruðerí.

Gunnþórunn Jónsdóttir hefur verið ráðin kynningarstjóri Miðstöðvar hönnunar og arkitektúrs og hóf hún störf 12. janúar sl. Í starfinu mun hún halda utan um, móta og bera ábyrgð á öllum kynningarmálum Miðstöðvarinnar, þar á meðal HönnunarMars, einnar stærstu hönnunarhátíðar landsins. Velkomin til starfa!

Hanna Dís Whitehead útskrifaðist sem vöruhönnuður frá Design Academy Eindhoven í Hollandi árið 2011. Verk hennar eru staðsett á landamærum hönnunar, listar og handverks. „Mér finnst ég rétt vera að byrja að komast í gott stuð! Það er búið að taka mig langan tíma að læra ýmislegt sem mér finnst ég vera ná góðum tökum á núna,“ segir Hanna Dís og hlær en nýverið opnaði hún tvær sýningar.

Arkitektinn og listamaðurinn Bernard Khoury opnar sína fyrstu einkasýningu á Íslandi í Listasafn Árnesinga. Sýningin stendur yfir frá 7. febrúar til 23. ágúst 2026.

Sunnudaginn 1. febrúar kl. 16:30 verða Bíó Paradís og Arkitektafélag Íslands með sérstaka sýningu á kvikmyndinni Stórvirkinu (The Great Arch).

Það var mikil stemning og spenna í loftinu í Listasafni Reykjavíkur í Hafnarhúsinu síðastliðinn föstudag 23. janúar þegar sýningin Hraunmyndanir opnaði. Logi Einarsson, menningar-, nýsköpunar- og háskólaráðherra, opnaði sýningarnar og Maó Alheimsdóttir skáld flutti ljóðagjörning ásamt Marion Herrera hörpuleikara. Kristrún Frostadóttir, forsætisráðherra, var einnig viðstödd opnunina.

Lífsferilsgreiningar (LCA) eru nú lögbundin krafa fyrir útgáfu byggingarleyfa á Íslandi í tilteknum umfangsflokkum. Af því tilefni býður Reduzer til málþings í samstarfi við Arkitektafélag Íslands þann 29. janúar nk. þar sem farið verður yfir allt sem snýr að LCA í byggingariðnaði. Reduzer er alþjóðleg hugbúnaðarlausn og greiningarvettvangur sem sérhæfir sig í lífsferilsgreiningum og kolefnisreikningum fyrir byggingar og mannvirki.

Langar þig að starfa eða halda viðburð í suðupotti nýsköpunar og hönnunar á Íslandi? Gróska hugmyndahús er suðupottur nýsköpunar á Íslandi og öflugt umhverfi fyrir einstaklinga og fyrirtæki þar sem hugmyndir verða að veruleika innan um auðugt mannlíf og menningu.

Íslensku bókahönnunarverðlaunin verða afhent í fyrsta sinn föstudaginn 16. janúar kl. 16:00 í Hönnunarsafni Íslands. Að verðlaununum standa Félag íslenskra bókaútgefenda (FÍBÚT) og Félag íslenskra teiknara (FÍT).

HönnunarMars er mest sótta hátíðin samkvæmt nýrri könnun Prósents en spurt var hvaða menningarhátíð fólk hefur sótt síðustu þrjú ár. Tíu prósent sóttu HönnunarMars, átta prósent sóttu Listahátíð í Reykjavík, sex prósent Iceland Airwaves og fimm prósent kvikmyndahátíðina RIFF.