Miðstöð hönnunar og arkitektúrs stendur fyrir opnum fyrirlestrum í vetur þar sem sjónum er beint að stöðu og framtíð hönnunar og arkitektúrs.

Miðstöð hönnunar og arkitektúrs heldur opinn kynningarfund fyrir umsækjendur um styrki Hönnunarsjóðs. Kynningarfundurinn verður rafrænn og fer fram föstudaginn 23. janúar frá kl. 12:00 - 13:00.

Langar þig að starfa eða halda viðburð í suðupotti nýsköpunar og hönnunar á Íslandi? Gróska hugmyndahús er suðupottur nýsköpunar á Íslandi og öflugt umhverfi fyrir einstaklinga og fyrirtæki þar sem hugmyndir verða að veruleika innan um auðugt mannlíf og menningu.

Þann 18. desember síðastliðinn auglýsti Miðstöð hönnunar og arkitektúrs eftir tillögum að sýningu Íslands fyrir 20. alþjóðlega tvíæringinn í arkitektúr í Feneyjum. Hér fyrir neðan má sjá fyrirspurn og svar en fyrirspurnarfrestur rann út 12. janúar síðastliðinn.

Arnar Skarphéðinsson arkitekt tók grunnám í arkitektúr í LHÍ og bætti svo við sig meistaragráðu í arkitektúr í Southern California Institute of Architecture í Los Angeles. Hann starfar nú sem arkitekt hjá s.ap arkitektum ásamt Arnhildi Pálmadóttur, arkitekt og móður hans og Björgu Skarphéðinsdóttur, systur hans. „Við fjölskyldan tölum 95% um arkitektúr,“ segir Arnar hlæjandi en þau vinna nú að uppsetningu sýningarinnar Lavaforming í Listasafni Reykjavíkur. Arnar Skarphéðinsson arkitekt er hönnuður í fókus að þessu sinni.

Árið 2025 sem senn líður  hefur verið kraftmikið og fjölbreytt í Miðstöð hönnunar og arkitektúrs. Hátíðir, verðlaun, úthlutanir, fyrirlestrar, erlend verkefni og ýmsir viðburðir setja sinn svip á síðustu misseri. Við höfum tekið saman brot af því besta á árinu sem er að líða; helstu áfanga og viðburði í starfsári Miðstöðvarinnar.

Trausti Valsson hefur gefið út bókina „List & Hönnun“ sem fylgir ævisöguþræði hans. Þetta er fimmtánda bókin sem hann sendir frá sér, en Trausti ritar bókina í tilefni 80 ára afmælis síns sem er í ársbyrjun 2026.

Bóka- og aðventugleði Arkitektafélags Íslands verður haldin miðvikudaginn 10. desember kl. 20:00 í Fenjamýri, Grósku. Andri Snær Magnason og Pétur H. Ármannsson munu kynna nýútkomnar bækur sínar.

Miðstöð hönnunar og arkitektúrs býður þér á umræðufund um valferli vegna þátttöku Íslands á Feneyjatvíæringnum í arkitektúr þriðjudaginn 9. desember kl. 9.00-10.00.

Sýningin Lavaforming, framlag Íslands til Feneyjatvíæringsins 2025, verður sett upp í Listasafni Reykjavíkur. Lavaforming opnaði í Feneyjum í maí sl. og lauk nú í nóvember. Feneyjartvíæringurinn fer næst fram árið 2027 og mun Miðstöð hönnunar og arkitektúrs halda utan um þátttöku Íslands þar.

STJAKAR, sem opnaði hjá HAKK Gallery um helgina, er ný samsýning þar sem hönnuðir, arkitektar, handverks- og myndlistafólk, bæði innlent og erlent hannar ákveðinn hlut með frjálsri aðferð og efnisnotkun.

Verslunin Rammagerðin hefur staðið fyrir þeirri skemmtilegu hefð síðan 2020 að fá hönnuði til að hanna sína eigin útgáfu af jólakettinum. Jólaköttur ársins er lentur en að þessu sinni var hönnunin í höndum mæðginanna Aldísar Einarsdóttur leirkerasmiðs og Davíðs Georgs Gunnarssonar arkitekts.