HA / Fréttir

Rýnifundur um þær tillögur sem bárust í skipulagssamkeppni um Akureyrarvöll og nágrenni verður haldinn fimmtudaginn 11. júní kl. 16:30 í Fenjamýri, Grósku. Umræðan fer fram á staðnum en hægt er að fylgjast með á streymi.

Sýningin Samfélag í bleyti hefur verið valin sem framlag Íslands á 20. alþjóðlega Feneyjatvíæringinn í arkitektúr sem fer fram árið 2027. Miðstöð hönnunar og arkitektúrs hefur umsjón með íslenska skálanum fyrir hönd menningar-, nýsköpunar- og háskólaráðuneytisins. Samfélag í bleyti veltir upp spurningum um samfélagslegt hlutverk arkitektúrs og setur íslenska baðmenningu fram sem einstakan vettvang jafnræðis og mótvægi við aukinn einmanaleika og sundrung samtímans.

Félagsfundur og vorgleði AÍ verður haldin fimmtudaginn 4. júní kl. 17 í Fenjamýri, Grósku.

Ársfundur Miðstöðvar hönnunar og arkitektúrs fór fram í Grósku 21. maí 2026. Þar farið yfir verkefni liðins árs, reikningar lagðir fram og nýtt stjórnarfólk tók sæti í í ýmsum stjórnum, ráðum og nefndum. Nýr fulltrúi Edda Björg Jónsdóttir, innanhússarkitekt, tekur sæti í stjórn Miðstöðvarinnar, en áfram sitja Þórunn Hannesdóttir, vöruhönnuður, Arnar Halldórsson, sköpunarstjóri Brandenburg, Inga Rut Gylfadóttir, landslagsarkitekt hjá Landslagi og Katrín Jakobsdóttir, ráðgjafi. Gísli Arnarson, grafískur hönnuður, stígur úr stjórn.

Arkitektastofan ALARK arkitektar hlýtur fyrstu verðlaun í samkeppni um skipulag Akureyrarvallar og nágrennis. Alls bárust 16 tillögur í samkeppnina sem Akureyrarbær efndi til í samstarfi við Arkitektafélag Íslands. Ein tillaga reyndist ógild og fjallaði dómnefnd því um 15 gildar tillögur.

Í tilefni af 100 ára afmæli Slysavarnafélagsins Landsbjargar, landssamtaka björgunarsveita og slysavarnadeilda á Íslandi, standa félögin fyrir opinni samkeppni um hönnun á 100 ára afmælismerki. Samkeppnin er haldin í samstarfi við Miðstöð hönnunar og arkitektúrs og FÍT félag íslenskra teiknara.

Við minnumst Sigrúnar Guðjónsdóttur „Rúnu“ með hlýju og þakklæti, en hún lést nýverið, 99 ára að aldri. Rúna var einn áhrifamesti list- og hönnuður sinnar kynslóðar og eftir hana liggur einstætt ævistarf sem mótaði íslenska sjónmenningu og hafði djúp áhrif á kynslóðir Íslendinga.

Alls bárust 16 tillögur í opinni framkvæmdasamkeppni um skipulag Akureyrarvallar og nágrennis sem Akureyrarbær efndi til í samvinnu við Arkitektafélag Íslands. Ein tillaga reyndist ógild og eru því 15 gildar tillögur nú til umfjöllunar hjá dómnefnd.

Það er erfitt að setja í orð þá orku, sköpunarkraft og gleði sem einkenndi HönnunarMars í ár. Hátíðin var einstaklega glæsileg frá upphafi til enda og borgin bókstaflega iðaði af lífi, hugmyndum, samtölum, sýningum og upplifunum sem minntu okkur enn og aftur á hvað íslenskt hönnunarsamfélag er kraftmikið, fjölbreytt og lifandi.

Við erum hvergi nærri hætt og það er heil helgi framundan stútfull af viðburðum og upplifunum á HönnunarMars. Strandarstuð í Nauthólsvík, svefn og sund, fjölskyldusmiðja í Þykjó og margt fleira skemmtilegt fyrir fjölskylduna ásamt allskonar leiðsögnum, innanhúsarkitektúr og brúðarbúningurinn mikli sem verður afhjúpaður í Þjóðminjasafninu.

Þá er þriðji dagur HönnunarMars runninn upp, föstudagurinn 8. maí og við höldum ótrauð áfram! Fjöldi sýninga er opinn og ýmislegt spennandi á dagskrá í dag. Í dag tekur fata- og textílhönnun yfir Norræna húsið á HönnunarMars, leiðsagnir um glæsilegan arkitektúr verða um alla borg, sérstakt málþing ALPHA og margt fleira spennandi.

HönnunarMars fer á fullt í dag fimmtudaginn 7. maí með fjölbreyttri dagskrá þegar borgin umbreytist í lifandi vettvang sköpunargleði. Tugir sýninga opna dyr sínar, hönnuðir kynna ný verkefni, verslanir og sýningarrými fyllast af lífi.