Ný stjórn FÍT 2023

Aðalfundur FÍT 2022 var haldinn í Fenjamýri í Grósku þann 19. desember síðastliðinn þar sem ný stjórn var kjörin. Gísli Arnarson — sitjandi formaður — var endurkjörinn sem formaður félagsins til tveggja ára.

Íris Ösp Sveinbjörnsdóttir stígur til hliðar en hún átti eitt ár eftir af sinni stjórnarsetu. Þorleifur Gunnar Gíslason — sem hefur verið varamaður í stjórn síðustu þrjú á — tekur hennar sæti. Samhliða þessum breytingum var það samþykkt á aðalfundi að leggja niður sæti varamanns í stjórn FÍT.

Tvö framboð voru til stjórnar, þeir Anton Jónas Illugason og Eðvarð Atli Birgisson buðu sig fram og eftir kosningu var það Anton sem var endurkjörinn inn í stjórn.

Erla María Árnadóttir er að ljúka sínum tveimur árum sem fulltrúi fyrirmyndar og bauð sig ekki fram til endurkjörs. Elías Rúni bauð sig fram í hennar stað og var kjörinn með meirihluta atkvæða.

Einnig voru tvö framboð í sæti nemendafulltrúa. Það voru þær Elís Gunnarsdóttir og María Dögg Hákonardóttir. Elís hlaut meirihluta atkvæða og verður nemendafulltrúi FÍT á komandi starfsári.