Tilnefningar til FÍT verðlaunanna 2025

79 verk eru tilnefnd til FÍT verðlaunanna árið 2025. Við bjóðum ykkur velkomin á verðlaunaafhendinguna sem haldin verður í Grósku, föstudaginn 28. febrúar kl. 19.

Hlutverk FÍT verðlaunanna er að viðurkenna þau verk sem skara fram úr á Íslandi í grafískri hönnun og myndlýsingum. Í ár bárust 428 innsendingar í 17 flokkum.

Dómnefndir meta innsendingar út frá faglegum forsendum og tilnefningar eru aðeins veittar ef verk þykir vera framúrskarandi á sínu sviði. Sömuleiðis er á valdi dómnefndar að ákveða hvort veittar séu viðurkenningar og hversu mörg verk hljóti tilnefningu í hverjum flokki.

Stjórn FÍT þakkar öllum hönnuðum og myndhöfundum sem sendu inn hjartanlega fyrir þátttökuna. Einnig þökkum við meðlimum dómnefnda innilega fyrir sitt framlag.