FÍT verðlaunin 2025 – Verðlaunahafar

Umbrotið og textanotkun góð. Sterk ritstjórn endurspeglast í uppröðun ljósmyndanna. Kápan skilar sér fallega inn á innsíðurnar. Spenna í uppsetningu og formum. Stóru textasíðurnar eru líka sterkar. Snjöll skipting á pappírnum þegar farið í ljósmyndirnar. Vönduð bók með spennandi flæði.

Efnistökin fjölbreytt. Fer á dýptina, fallegt samspil og góður taktur. Hlaðin en gengur vel upp. Þrefalda kápan talar vel við inntak bókarinnar. Fjölbreytt notkun á textadálkum og lifandi uppsetning. Týpógrafían vel leyst, margslungið umbrot. Fallegt bókverk í anda listakonunnar.

Bókin er vel hönnuð og vönduð. Týpógrafían er vel leyst og fjölbreytt umbrot tryggir að efnið flæðir vel. Frágangurinn á kilinum og efnisyfirlit til fyrirmyndar. Appelsínuguli liturinn er notaður á áhrifaríkan hátt. Kápan og innsíðurnar tala vel saman sem styrkir heildaryfirbragð bókarinnar.

Staður fréttaljósmyndarans er fyrir aftan myndavélina. Hér er hann settur fremst sem er snjöll nálgun. Týpógrafían einstaklega vel útfærð í samspili við ljósmyndaval. Fallegur einfaldleiki sem er vissulega vandmeðfarinn. Falleg þrykking og laminering.

Grípandi litur og skemmtileg áferð. Falleg týpógrafía. Sértæk myndlýsing sem kjarnar vel innihald bókarinnar. Fallegur kjölur og vandað bókband.

Fallegt, gefandi og marglaga gæðaverk. Meðferð fjölda ljósmynda er vel útfærð.

Flott uppsetning og snjallt hvernig miðinn á plötunni er unninn áfram. Gott, heildrænt verk með sterkri grafík og góðri mynd. Talar allt vel saman og góð dýnamík. Óhefðbundin leið sem gengur vel upp.

Virkar bæði stórt og lítið. Látlaus grafík sem tekur tillit til þeirra miðla sem hún birtist á. Merkið vel staðsett og virkar vel.

Fínleg nálgun á viðfangsefnið. Ljósmyndin vel innrömmuð og gott jafnvægi. Hér hefur tekist að gera jólaplötu án þess að verða hallærisleg, platan getur í raun verið uppi við allt árið. Lágstemmt yfirbragð rímar við innihaldið.

Afar falleg týpógrafía út í gegn. Alúð lögð í útfærslu og framleiðslu. Mjög metnaðarfullt hjá hönnuðum og framleiðanda sem er til fyrirmyndar. Hönnun nær að vísa skemmtilega í gamla tíma en er nútímaleg í senn. Falleg litapalletta og dósin falleg allan hringinn.

Hér er farið skrefinu lengra og nostrað við alla þætti í hönnuninni. Óður til fortíðar en um leið nýmóðins og ferskt, formið tekið alla leið. Teikningin er vel útfærð og falleg vísun í klassískan póstlúður. Snjöll tilvísun í jarm (e. meme).

Skemmtilega einföld en um leið fáguð framsetning. Góð lausn fyrir stafræna formið. Virkar vel, bæði sem sígilt veggspjald og nýmiðlunarveggspjald. Ítarefni komið til skila á snjallan hátt.

Snúið efni sett fram á frambærilegan og skilvirkan hátt. Góð lausn á upplýsingaöflun og aðgengilegt bæði fyrir almenning og fagfólk. Týpógrafían hæfir verkefninu vel sem er bæði smekklegt og fallegt. Eftirtektarverð smáatriði.

Snyrtilegt og nokkuð látlaust útlit. Pappírsliturinn er skemmtilegur og skapar hugrenningatengsl við orðabók sem hæfir verkefninu vel. Góð týpógrafía, traustvekjandi síða og notendavæn síða, án óþarfa upplýsinga.

Skemmtileg lausn sem miðlar sértækum upplýsingum á skilvirkan hátt. Talar vel við markhópinn. Snjöll stafræn aðlögun. Týpógrafían er snyrtileg og fagleg. Áferðarfalleg og smekkleg framsetning.

Þarft og merkilegt verkefni í gagnvirkri miðlun. Skilvirkt og skemmtilega sett fram.

Fallegar hreyfingar og stílhreint. Glæsileg hönnun vörunnar spilar stóran þátt í hönnuninni og nýtur sín vel. Tæknilega frábært og einstaklega notendavænt. Setur spennandi viðmið í hreyfihönnun á Íslandi.

Virkilega skemmtilegt og tæknilega vel gert, falleg lýsing. Spennandi smáatriði í hreyfingunni og sannfærandi karakter. Virkilega sniðugt að byggja svona á hreyfingum dansara sem virka mjög eðlilegar.

Fallegt verkefni og litir sem gefa viðeigandi yfirbragð. Falleg hreyfihönnun, örlítið hrár blær sem hæfir efninu vel. Rennur vel og áreynslulaust, ramma fyrir ramma. Allt í góðu jafnvægi og vel heppnuð frásögn.

Framkvæmd og útfærsla til fyrirmyndar. Greinilega búið að huga vel að öllum snertiflötum markaðsársins. Töfrandi myndheimur sem skapar heildstæða ímynd. Frumleg lausn sem endurspeglar vel stærð og umfang Kringlunnar.

Margföldunaráhrifin í grafíska myndheiminum sem birtast hér eru afar viðeigandi í þessu samhengi. Tóna vel við framsöguna og leik í texta. Einföld skilaboð sem komast vel til skila í orðalagi og grafískum elementum. Smellpassar fyrir vörumerkið. Hugmynd vel útfærð fyrir mismunandi miðla.

Gott jafnvægi milli merki og leturs. Myndmerkið kallast á við form í letrinu á snjallan hátt. Merkið í heild endurspeglar nýtt upphaf og ferska nálgun. Nær inntaki fyrirtækisins vel með einfaldri en áhrifaríkri lausn.

Fallegt og grípandi merki sem endurspeglar sögu lýðveldisins en tekst að ljá því númtímalegri blæ á smekklegan hátt.

Uppfærsla á merki til fyrirmyndar. Borin virðing fyrir sögu og þróun merkisins sem heldur vel í sín einkenni. Meiri leikur í meðferð á öðru efni. Hið gamla og nýja kallast skemmtilega á. Lita- og leturmeðferð lyftir efninu upp. Augljóslega mikil heimildavinna að baki sem skilar sér vel.

Endurspeglar grafíska hönnun á Íslandi. Talar vel til markhópsins. Vel farið með efnivið, letur, liti og efnisval gott. Prentað efni og hreyft efni í góðu samræmi.

Vel heppnað og úthugsað verkefni með marga snertifleti. Litameðferð og áferð falleg sem endurspeglar það sem er verið að ná fram. Einfalt en vel hugað að öllum smáatriðum. Upplifunin er í forgrunni í öllu sem skilar sé vel í efni og yfirbragði.

Eftirminnilegt og eftirtektarvert. Mynstrið einstaklega vel útfært og alls staðar frábærlega staðfært.

Athyglisvert verkefni og vel útfært. Sýningarrými lyft upp með áhugaverðri grafík og tengingunni við Icelandair gert hátt undir höfði. Týpógrafían vel útfærð og talar fallega við sýningargrip.

Fallegt og vel hannað verk. Vel hugað að smáatriðum, myndheimur fallegur. Róandi andrúmsloft leikur um verkið, eins og lygn sjór.

Stílhrein útfærsla á mikilvægu málefni. Góður vettvangur til upplýsingaöflunar og vonandi mikilvægur hluti af sögu grafískrar hönnunar á Íslandi.

Svalt, lifandi og frumlegt. Lýsir áhrifum koffíndrykkju á framúrstefnulegan hátt. Mikil og kraftmikil orka. Áhugaverð frásögn sem spilar vel með merkinu. Myndlýsingin á vel við samhengið.

Vönduð forsíðumynd sem vinnur með minni úr sögunni sem er blandað snyrtilega saman. Fellur vel inn í hönnun og samhengi, vel unninn lokahnykkur fyrir ritröðina.

Falleg hönnun sem virkar vel í prenti og á vefnum. Margslungið og hægt týna sér í smáatriðum þar sem boðið er upp á mismunandi frásagnir. Litskrúðugir og sterkir karakterar sem hægt er að fylgja í sínum sögum. Einkennandi og falleg litapalletta.

Áferðarfallegt, leikrænt, stílhreint og skemmtilegt. Val á stílnum er úthugsað og hæfir sögu og myndheim viðfangsefnisins vel. Baráttan og samstaðan komast vel til skila. Kallar á viðbrögð og auðvelt að hrífast með. Myndirnar standa fallega saman og skapa góða heild.

Áferðarfagrar og fíngerðar myndlýsingar, teiknaðar og málaðar af einstakri næmni. Stíllinn er í senn áhugaverður og eftirminnilegur. Myndlýsingarnar gæða bókina lífi sem gætu seinna vakið nostalgíu hjá lesendum. Myndirnar henta viðfangsefninu afar vel.

Marglaga og lifandi myndlýsingar á fjörugri frásögn með djúpum boðskap. Húmorinn og skemmtilegar aukasögur bæta heilmiklu við. Metnaðarfullt að gefa út verk af þessu umfangi þar sem myndefnið er í aðalhlutverki og uppsprettan er fallegur myndheimur. Bæði sagan og myndirnar höfða bæði til barna og fullorðinna sem er afar þakklátt.

Fjörug og fjölbreytt myndbygging og nóg að gerast á hverri síðu. Hressandi uppbrot með römmum virkar vel og kemur skemmtilega út. Húmorinn og hrollvekjandi framvindan ná vel í gegn með grafískum og grófgerðum myndlýsingum. Nær örugglega vel til lesendahópsins.

Einstaklega heillandi verkefni. Íslensk nostalgía og nútímaleg nálgun í góðu jafnvægi. Húmor nær vel í gegn og textinn styður vel við. Þörf og góð skilaboð – að staldra aðeins við og veita umhverfinu athygli. Góð grafísk hönnun og gott kerfi í kringum verkefnið.

Góð hugmynd sem tengir hið stafræna vel við síbreytilega náttúru. Tæknilega mjög vel leyst. Skemmtileg gagnvirkni og gengur vel upp í öllum útgáfum. Gaman að geta stýrt grófleikanum í letri þar sem hver stafur er einstakur. Verkefni sem brýtur skilrúmið á milli hönnunar og tækni.

Heildstæð mörkun og virkilega vel útfærð fyrir marga miðla. Góð tenging milli merkis og leturs. Nær vel til allra þátta sem þarf fyrir heildræna mörkun. Gott jafnvægi, nútímalegt og fangar starfsemi fyrirtækisins vel.