Tilnefningar til FÍT verðlaunanna 2024

92 verk hljóta tilnefningu til FÍT verðlaunanna árið 2024. Við bjóðum ykkur öll velkomin á verðlaunaafhendinguna sem haldin verður í Grósku, föstudaginn 22. mars kl. 20:00.

Hlutverk FÍT verðlaunanna er að viðurkenna þau verk sem skara fram úr á Íslandi í grafískri hönnun og myndlýsingum. Okkur bárust alls 502 innsendingar í ár í 21 flokki. Tilnefnd voru verk í öllum flokkum.

Dómnefndir meta innsendingar út frá faglegum forsendum og tilnefningar eru aðeins veittar ef verk þykir vera framúrskarandi á sínu sviði. Sömuleiðis er á valdi dómnefndar að ákveða hvort veittar séu viðurkenningar og hversu mörg verk hljóti tilnefningu í hverjum flokki.

Stjórn FÍT þakkar öllum teiknurum, hönnunar- og auglýsingastofum hjartanlega fyrir þáttökuna. Einnig þökkum við meðlimum dómnefnda fyrir sitt framlag.

Kynningarpakka fyrir tilnefnd verk má hlaða niður hér fyrir neðan.