Vilt þú taka þátt í nefndarstörfum fyrir Arkitektafélag Íslands?

Aðalfundur Arkitektafélags Íslands verður haldinn miðvikudaginn 26. febrúar næstkomandi. Á aðalfundi er m.a. kosið um setu í nefndum fyrir félagið og í stjórn félagsins. Við hvetjum öll sem hafa áhuga á að sinna trúnaðarstörfum fyrir félagið til að hafa samband með því að senda tölvupóst á netfangið ai@ai.is.

Nefndir félagsins eru eftirfarandi:

• Dagskrárnefnd 
• Laganefnd 
• Menntanefnd 
• Orða-og ritnefnd
• Samkeppnisnefnd
• Siðanefnd
• Framþróunarnefnd

Auk nefndarstarfa er kosið í eftirfarandi embætti:

• Kosning tveggja endurskoðenda og eins til vara
• Kosning fulltrúa í stjórn Minningarsjóðs Guðjóns Samúelssonar
• Kosning annarra fulltrúa í samtök og ráð sem félagið er aðili að

Á aðalfundi árið 2023 var kosin stjórn AÍ sem nú hefur setið til tveggja ára. Sitjandi stjórn hyggst bjóða sig fram til áframhaldandi stjórnarstarfa en á aðalfundinum verður kosið í öll þrjú embætti stjórnar:

• Formann
• Gjaldkera
• Ritara

Framboð í nefndir og embætti berist á netfangið ai@ai.is