Innflutningsboð hjá Módelsmiðum

Innflutningsboð hjá módelsmiðunum Snorra Frey Vignissyni og Láreyju Huld Róbertsdóttur í Hönnunarsafni Íslands fimmtudaginn 16. júní milli 16:30 - 18:00. Tilgangur verkefnisins er að rýna í teikningar á verkum Högnu Sigurðardóttur, arkitekts (1929 - 2017) og gera vönduð módel eftir völdum teikningum sem aldrei urðu að byggingum.

Undanfarna mánuði hefur Hönnunarsafn Íslands staðið fyrir skráningu á verkum Högnu Sigurðardóttur, arkitekts (1929 - 2017). Við skráninguna kom í ljós fjöldi áhugaverðra teikninga sem urðu aldrei að byggingum. 

Tilgangur verkefnisins er að rýna í þessar teikningar og gera vönduð módel eftir völdum teikningum. Teikningarnar sem hafa verið valdar eru Gnitavegur (nú Gnitanes) 10 í Skerjafirði, teiknað 1967, og Fjólugata 29 í Vestmannaeyjum, frá 1961. 

Snorri Freyr Vignisson og Lárey Huld Róbertsdóttir útskrifuðust með BA-gráðu í arkitektúr frá Listaháskóla Íslands 2022.

Verkefnið er styrkt af Nýsköpunarsjóði námsmanna.