plakATH! vol 3 — Sýning í Gallerý Port

Plakat er óvaranlegt list form. Því er ætlað að vera tímabundið með segulmagnaðri nærveru, það lifir stuttu en áköfu lífi. Einhversstaðar á milli þess að vera hengt á götum úti og að hraka í rigningu, sól og mannlegri umferð þjónar það tilgangi sínum, að vera boð um verðandi upplifun. Eftir gildistíma þess (dagsetninguna sem auglýst er) verður það mjög áþreifanlegur hluti af minningu atburðarins. Þetta er eins og ljósmynd, en ekki af fólki og stöðum, heldur hugmyndinni sjálfri.

plakATH! Vol.3 er þriðja útgáfan af plakat sýningu Kosmonötku. Frá árinu 2018 hefur hún verið að hanna plaköt fyrir ýmsa viðburði víða um land — tónleika, veislur, hátíðir, mótmæli, fjáraflanir, listasýningar og fleira. Þetta safn er merkur kafli í skjalasafni íslensku neðanjarðar listasenunnar. plakATH! Vol.3 mun sýna úrval verka sem urðu til á árunum 2018 til 2022, auk risóprenta, vegglistaverks og upprunalegra blekteikninga af plakötum.

Opnun sýningarinnar — 09.04 (laugardag) kl. 16:00—- mun innihalda langþráð sett eftir hinn eina sanna Dj BERViT og æta innsetningu eftir matreiðslukonuna Polu Sutryk.

Kosmonatka / Natka Klimowicz, (fædd 1992 í Łódź, PL) - er plakat listamaður, myndhöfundur og grafískur hönnuður. Hún útskrifaðist frá Listaháskólanum í Poznań, Póllandi í prentsmíði og grafískri hönnun, þar sem hún lærði plakathönnun undir handleiðslu Grzegorz Marszałek. Innblásin af verkum pólsku plakat meistarana blandar hún analog og stafrænum miðlum í sköpunarferlinu - hvert plakat byrjar á blekteikningu og hefur handskrifaða leturgerð. Hún býr nú og starfar í Reykjavík þar sem hún hefur unnið með listakollektívinu post-dreifing, bbbbbb recors, The Reykjavík Grapevine, Smekkleysu + Mengi, FÚSK, RASK collective, Munasafn RVK, Prikíð, IWW Ísland, Andrými, Öldur Meadery og mörgum öðrum. Árið 2021 hlaut hún 2. verðlaun á 17. alþjóðlega leikhús plakata tvíæringnum í Rzeszów.