Heiti félagsins er Félag húsgagna- og innanhússarkitekta, skammstafað FHI, og er aðsetur þess í Reykjavík.

- að vera málsvari húsgagna- og innanhússarkitekta
- að auka þekkingu og skilning á starfi þeirra
- að efla samkennd félagsmanna
- að gæta hagsmuna félagsmanna
- að efla tengsl við önnur félög tengd starfssviði húsgagna- og innanhússarkitekta, innanlands sem utan
- að stuðla að bættum híbýlaháttum og eflingu hönnunar

Heiti og hlutverk félagsins

Félagsaðild eiga aðalfélagar, námsmenn og heiðursfélagar:

a. Aðalfélagar geta þeir orðið sem lokið hafa fullnaðarprófi í húsgagna- og/eða innanhússarkitektúr. Inntökubeiðni skal fylgja leyfi ráðherra til starfsheitis, innanhússarkitekt skv. lögum um löggildingu nokkurra starfsheita sérfræðinga í tækni- og hönnunargreinum nr. 8/1996, með áorðnum breytingum.

b. Námsmenn geta þeir orðið sem stunda nám við skóla sem félagið viðurkennir. Námsmenn eru ekki fullgildir félagar.

c. Aðalfundur getur að tillögu félagsstjórnar kjörið heiðursfélaga; menn sem skapað hafa mikilverð verk á sviði hönnunar, eða leyst af hendi mikilvæg störf í þágu félagsins. Til kjörs heiðursfélaga þarf samhljóða samþykki aðalfundarins. Allir félagar skulu skráðir í félagaskrá sem stjórn félagsins varðveitir.

Fullgildir félagar skulu kenna sig við félagið með því að nota skammstöfun þess FHI með starfsheitinu innanhússarkitekt.

Allir félagsmenn hafa málfrelsi og tillögurétt í félaginu, en kjörgengi og atkvæðisrétt hafa aðalfélagar og heiðursfélagar.

Félagsmenn skulu rækta með sér góðan félagsanda og taka tillit til stéttarfélaga sinna og starfsheiðurs þeirra, hvort heldur í samkeppni við þá eða samstarfi.  Félagsmönnum er skylt að virða samþykktir félagsins og aðrar reglur þess.


Félagsmenn í FHI verða sjálfkrafa félagsmenn í Myndstefi, Myndhöfundasjóði Íslands, en Myndstef gegnir því hlutverki að vernda höfundarrétt félagsmanna vegna birtingar á verkum þeirra til almennings og vegna annarrar hliðstæðrar notkunar.

Félagar, skyldur og réttindi

Sá sem óskar eftir að gerast félagi skal senda stjórn félagsins skriflega umsókn ásamt staðfestingu á að viðkomandi hafi lokið fullnaðarprófi frá viðurkenndum skóla. Skal inntökubeiðni borin upp á fyrsta stjórnarfundi eftir móttöku hennar. Stjórn tilkynnir umsækjanda skriflega um niðurstöður fundarins.

Óski félagsmaður eftir að ganga úr félaginu skal hann tilkynna stjórn félagsins úrsögnina skriflega. Skal hann þá vera skuldlaus við félagið. Úrsögnin tekur gildi við móttöku úrsagnartilkynningar.

Hafi félagsmaður ekki greitt félagsgjöld í lok árs skoðast það sem úrsögn úr félaginu, enda hafi stjórn tilkynnt félaganum stöðu hans áður skriflega.

Innganga í félagið, úrsögn og brottvikning

Aðalfundur hefur æðsta vald í öllum málefnum félagsins. Milli funda fara félagsstjórn og nefndir með stjórn þess og framkvæmd mála.

Aðalfund skal halda eigi síðar en 1. ágúst ár hvert og skal boða til hans með að minnst tveggja vikna fyrirvara með sannanlegum hætti. Með fundarboði skal fylgja, ef fram hafa komið, framboð til kosninga og tillögur um lagabreytingar. Aðalfundur er löglegur, sé rétt til hans boðað. 

Dagskrá aðalfundar skal vera sem hér segir:

Kosning stjórnar, skoðunarmanns og nefnda

Aðalfundi stýrir kjörinn fundarstjóri. Hann rannsakar í fundar byrjun hvort löglega hafi verið boðað til fundarins og lýsir yfir hvort svo sé. 

Atkvæðagreiðsla á aðalfundum er samkvæmt ákvörðun fundarstjóra.  Einfaldur meirihluti félagsmanna ræður úrslitum mála. Löglega forfallaður félagsmaður getur greitt skriflega atkvæði í stjórnarkjöri og um lagabreytingar. Lögleg forföll eru veikindi, búseta utan höfuðborgarsvæðis og ófyrirséð fjarvera. 

Kosinn skal ritari aðalfundar sem skráir það sem gerist á fundinum, einkum allar samþykktir og ákvarðanir. Fundarstjóri og fundarritari skulu síðan staðfesta fundargerðirnar með undirskrift sinni. Teljast þær þá full sönnun þess sem gerðist á fundinum.

Fundargerð aðalfundar ásamt ársskýrslu skal senda félagsmönnum innan. 14 daga frá aðalfundi.

Félagsfundi og/eða aukaaðalfundi skal halda þegar stjórn félagsins telur þurfa eða ef ¼ hluti félagsmanna krefst þess skriflega og tilgreinir ástæður í fundarbeiðni. Skal stjórnin þá boða til fundar innan 14 daga frá því beiðnin var lögð fram. Formaður félagsstjórnar eða annar stjórnarmaður stýrir félagsfundum.

Stjórn félagsins er heimilt að bjóða innlendum og erlendum aðilum sem vinna að skyldum málefnum og félagið að sitja fundi félagsins sem gestir.

Aðalfundur og félagsfundir

Stjórn félagsins skal skipuð 3-5 félagsmönnum, formanni og 2-4 meðstjórnendum,  kjörnum á aðalfundi til eins árs í senn.  Einnig er heimilt að kjósa allt að 3 varamenn. Stjórnin skiptir með sér verkum. Stjórn félagsins fer með málefni félagsins milli aðalfunda. Formaður boðar til funda.  Firmaritun er í höndum meirihluta stjórnar. 

Stjórn félagsins er kosin til eins árs í senn. Stjórnina skipa formaður, ritari og gjaldkeri ásamt meðstjórnendum. Formaður er kosinn í sérstakri kosningu en kjörin stjórn skiptir að öðru leyti með sér störfum. 

Stjórnin heldur fundi eftir þörfum. Skýrslu um stjórnarfundi og ákvarðanir stjórnarinnar skal færa í fundargerðir. Formaður kallar saman stjórnarfundi og stýrir þeim. Ritari skráir gerðir stjórnarinnar. Gjaldkeri varðveitir sjóð félagsins, innheimtir félagsgjöld og annast reikningshald.

Aðalfundur og stjórn félagsins geta ef ástæða þykir til kosið nefndir eða. starfshópa til að annast einstök verkefni í þágu félagsins. Hlutverk og starfssvið slíkra nefnda og starfshópa er ákveðið af aðalfundi eða stjórn félagsins. 

Á aðalfundi skal kjósa þriggja manna réttindanefnd. Réttindanefnd skal sjá um og veita ráðuneyti umsögn á umsóknum um lögverndað starfsheiti skv. Reglum nr. 47/2010 um mat á umsóknum um leyfi til að kalla sig húsgagna- og/eða innanhússarkitekt.

Stjórn og nefndir

Reikningsár félagsins er almanaksárið.

Félagsgjöld eru árgjöld sem renna í félagssjóð. Árgjald og gjalddagar ákveðast á aðalfundi fyrir ár hvert. Nýir félagar greiða félagsgjöld frá og með þeim degi sem umsókn þeirra er samþykkt af stjórn félagsins. Heiðursfélagar og félagsmenn sem eru 70 ára og eldri eru undanþegnir greiðslu félagsgjalda.

Ársreikninga skal yfirfara og samþykkja af skoðunarmanni reikninga fyrir aðalfund ár hvert sem kosinn er úr röðum félagsmanna á aðalfundi.

Rekstrarafgangi/hagnaði af starfsemi félagsins skal varið í samræmi við tilgang félagsins. Félagsmenn njóta ekki fjárhagslegs ávinnings af starfsemi félagsins.

Reikningsár og félagsgjöld

Rísi ágreiningur milli félagsmanna út af starfi þeirra eða starfsemi á sviði hönnunar getur málsaðili borið málið undir þriggja manna gerðardóm til fullnaðarúrskurðar. 

Hvor málsaðili um sig skal tilnefna einn gerðardómsmann úr hópi félagsmanna en félagsstjórn skipar oddamann. Félagið getur sett fastar reglur um störf slíks gerðardóms sem ella setur sér sjálfur starfsreglur. Ávallt skal gæta jafnræðis með málsaðilum.

Gerðardómur

Ákvörðun um slit félagsins skal taka á aðalfundi með einföldum meirihluta atkvæða og renna eignir þess til þeirra góðgerðarmála sem ákveðin verða á slitafundi.   

Félagsslit

Lögum þessum verður ekki breytt nema á lögmætum aðalfundi, enda greiði 2/3 fundarmanna atkvæði með breytingunni.

Samþykktir þessar voru endurskoðaðar og samþykktar á aðalfundi FHI 9. júní 2021.

Samþykktir FHI

Félagssamþykktir