Seinni úthlutun ársins hjá Hönnunarsjóði fór fram í Grósku þann 22. október.  24 fjölbreytt verkefni á sviði hönnunar og arkitektúrs hlutu almenna styrki en 38,8 milljónir voru alls til úthlutunar. Alls bárust 89 umsóknir um almenna styrki þar sem samtals var sótt um tæpar 300 milljónir og 33 umsóknir um ferðastyrki.

Sunnudaginn 20. október kl. 13:00 verður leiðsögn með dansdæmum um sýninguna Hönnunarsafnið sem heimili. Sigríður Sigurjónsdóttir, forstöðumaður safnsins og Sigríður Soffía Níelsdóttir, dansari og danshöfundur sjá um leiðsögnina.

Peysan James Cook, unnin í samstarfi Helgu Lilju Magnúsdóttur fatahönnuðar og Stephan Stephensen listamanns, fyrir BAHNS, er tilnefnd í flokknum vara ársins á Hönnunarverðlaunum Íslands 2024.

HönnunarÞing, hátíð hönnunar og nýsköpunar fer fram á Húsavík dagana 4 og 5 október annað árið í röð. Í ár er áherslan á tónlist og margvíslegar birtingarmyndir snertiflata hönnunar, nýsköpunar og tónlistar. Það verða sýningar, fyrirlestrar, tónleikar, námskeið og sitthvað fleira á dagskrá.

Nýtt myndrænt einkenni Alþingis, sem hannað er af Strik Studio, var kynnt á opnunarhátíð Smiðju þann 14. september síðastliðinn. Grafíkin vísar í hjarta Alþingis, þingsalinn þar sem ólíkar skoðanir mætast og komast að samkomulagi.

Ætlaru að taka þátt í HönnunarMars og langar að sýna í Norræna húsinu? Norræna húsið kallar eftir tillögum að sýningum á HönnunarMars 2025, sem fer fram dagana 2. - 6. apríl.

Verkefni s.ap arkitekta, Hraunmyndanir hefur verið valið framlag Íslands á Feneyjatvíæringnum í arkitektúr 2025.

Opnað var fyrir umsóknir um styrk úr borgarsjóði þann 1. september 2024. Umsóknarfrestur er til 30. september 2024.

Menningarnótt fer fram í miðborg Reykjavíkur laugardaginn 24. ágúst, þar sem fjölbreyttir menningarviðburðir fyrir alla aldurshópa fara fram víðsvegar um borgina. Hér er stutt samantekt á viðburðum á Menningarnótt með hönnunarívafi.

Skrifstofa Arkitektafélags Íslands verður lokuð vegna sumarleyfa frá 15. júlí til og með 5. ágúst.

Hrefna Sigurðardóttir og Birta Rós Brynjólfsdóttir hjá Fléttu hönnunarstofu eru einar af sjö verðlaunahöfum Rising Talents Awards á Maison&Objet í París. Fókus verðlaunanna í ár eru á unga hönnuði á Norðurlöndunum sem eiga það sameiginlegt að vera undir 35 ára og hafa verið starfandi í 5 ár.

Borgarsögusafn blæs til málþings um sýningahönnun miðvikudaginn 22. maí kl. 15:00-17:00 á Árbæjarsafni. Þátttaka er ókeypis en skráning er nauðsynleg. Tilefnið er nýliðinn HönnunarMars en þar mátti sjá margar áhugaverðar og vel hannaðar sýningar.

Leir-andi, yfirlitssýning á verkum Ólafar Erlu Bjarnadóttur hefur opnað á Hlöðulofti SÍM á Korpúlfsstöðum. Sýningin er yfirgripsmikil og spannar 40 ára starfsferil listakonunnar. Sýningarstjóri er Brynhildur Pálsdóttir og stendur hún opin til 23. maí.

Það er komið að þriðja degi HönnunarMars. Á dagskrá er fjöldinn allur af fjölbreyttum viðburðum sem gestir hátíðarinnar ættu ekki að láta framhjá sér fara. Hér eru viðburðir dagsins!

Keflavíkurflugvöllur er sýningarstaður á HönnunarMars ásamt því að sýna hátíðina í sinni fjölbreyttustu mynd. HönnunarMars er lífleg höfn hugmynda, ólíkra sjónarmiða og þekkingar, hreyfiafl sem auðgar og bætir samfélagið.

HönnunarMars er rétt handan við hornið en hátíðin fer fram dagana 24. - 28. apríl og fjölbreytt dagskráin breiðir úr sér um alla borg. HönnunarMars er tilvalinn vettvangur til þess að kynnast þeim tilraunum sem gerðar eru með efni og endurnýtingu. Hér má skoða hvað er í boði í þeim efnum.

HönnunarMars er rétt handan við hornið en hátíðin fer fram dagana 24. - 28. apríl og fjölbreytt dagskráin breiðir úr sér um alla borg. Við kynnumst grafískri hönnun og prentverkum á Íslandi í ólíku samhengi. Við fræðumst um sögu hennar, fáum innsýn í áhugaverða vinnu grafískra hönnuða og kíkjum einnig út fyrir landsteinana. Fyrir áhugasama er hér samantekt á viðburðum og sýningum sem snúast um grafík og prent.

Innanhússarkitektinn, fyrrum ritstjóri FRAME tímaritsins og stofnandi Betterness, Robert Thiemann kemur fram á DesignTalks 2024. Róbert hefur ástríðu fyrir hinu byggða umhverfi og hvernig hægt sé að bæta það til þess að einstaklingar og samfélög blómstri en að minnka á sama tíma áhrif þess á jörðina? Rithöfundurinn og sjálfbærnileiðtoginn Hrund Gunnsteinsdóttir stígur einnig á svið í Hörpu þann 24. apríl næstkomandi. Hrund  leiðir saman hugmyndir og fólk þvert á fög og atvinnugreinar til að veita skapandi hugarfari og uppbyggilegum lausnum brautargengi.

Óskað eftir teymi til að vinna deiliskipulag fyrir Farsældartún í Mosfellsbæ

Auglýst er eftir framboðum til stjórnarsetu í stjórnir ólíkra verkefna Miðstöðvar hönnunar og arkitektúrs. Um er að ræða eitt sæti í stjórn HönnunarMars, Hönnunarsjóðs, Hönnunarverðlauna og Hönnunarlauna og varamenn.

Skapandi vinnustofan And Anti Matter bætist við flóru hönnunarverslunarinnar Kiosk með fatalínuna "Anti Work" sem samanstendur af einstökum handgerðum og -prentuðum frönskum vinnufötum.

Lokað var fyrir umsóknir Hönnunarsjóð í gær en um er að fyrri úthlutun ársins 2024. Alls bárust 121 umsókn í almenna styrki upp á tæpar 371 milljónir og 21 umsókn um ferðastyrki upp á tæpar 14 milljónir.

Opnað hefur verið fyrir umsóknir til alþjóðlegs meistaranáms í Listaháskóla Íslands. Skólinn býður upp á tvær námsleiðir í alþjóðlegu meistaranámi í hönnun og  arkitektúr.  Umsóknarfrestur er til og með 8. mars.

Þessa önnina býður Myndlistaskólinn í Reykjavík upp á þrjú námskeið sem eru ætluð þeim sem annars vegar hafa góðan grunn í leirrennslu og hins vegar hverjum þeim sem hefur áhuga á teikningu og grafíkmyndagerð.

Alþjóðlega ráðstefnan DesignTalks fer fram í Silfurbergi í Hörpu þann 24. apríl 2024. Búið er að opna fyrir miðasölu en uppselt hefur verið á þennan vinsæla viðburð síðustu ár. Ekki missa af þessari veislu sköpunarkraftsins!

DesignTalks talks er hlaðvarp tengt alþjóðlegu ráðstefnunni DesignTalks sem haldin er árlega í Reykjavík. Þáttaröðin Hvað nú? er innblásin af ráðstefnunni árið 2023 og styrkt af Nordic Talks. Í þriðja þætti spyrjum við: Hvert er hlutverk hönnunar og arkitektúrs þegar kemur að loftslagsbreytingum, velferð og heilsu fólks?

Jólin nálgast óðfluga og framundan eru fjölda viðburða fyrir öll. Hér er yfirlit yfir hönnunartengda viðburðadagskrá næstu daga.