Að skapa áhrif - örnámskeið fyrir þátttakendur HönnunarMars

Fimmtudaginn 27. febrúar halda Miðstöð hönnunar og arkitektúrs í samstarfi við Íslandsstofu örnámskeið fyrir þátttakendur HönnunarMars í markaðssetningu og almannatengslum fyrir hönnuði. Námskeiðið verður haldið á zoom í hádeginu frá kl. 12.00-13.00.

Markmið námskeiðsins er að gefa þátttakendum verkfæri til að auka færni í markaðssetningu og almannatengslum til að til auka sýnileika og ná athygli fjölmiðla. 

Skráning á námskeiðið fer fram hér og fá skráðir þátttakendur sendan hlekk á námskeiðið.

Dagskrá námskeiðsins:

• Að undirbúa pressupakka og miðlun, PR og samskipti við blaðamenn  - Álfrún Pálsdóttir, fagstjóri almannatengsla hjá Íslandsstofu.
• Ráðgjöf um samfélagsmiðla  - Andreas Aðalsteinsson, Head of Digital & Partner, Sahara 
• Reynslusaga - Hrefna Sigurðardóttir, hönnuður hjá Fléttu og þátttakandi á HönnunarMars
• Reynslusaga - Arnar Már Jónsson, hönnuður hjá Ranra og þátttakandi á HönnunarMars

Í lokin gefst þátttakendum tími fyrir spurningar og svör. 

Helga Ólafsdóttir, stjórnandi HönnunarMars, heldur utan um námskeiðið.