Fjölskylduvænir viðburðir á HönnunarMars
![](https://images.prismic.io/midstod-honnunar-og-arkitekturs/f2c8a404-023c-4ff4-a191-195058770580_KU%C3%90UNGUR.jpg?auto=compress,format&rect=0,0,2499,1640&w=1620&h=1063)
HönnunarMars fyrir unga sem aldna. Nú er HönnunarMars að fara að breiða úr sér um allan bæ með fjölda viðburða af öllu tagi og að sjálfsögðu er boðið upp á metnaðarfulla dagskrá fyrir alla fjölskylduna.
HönnunarMars fer fram dagana 19.-23. maí og er um fjölda viðburða að velja úr. Hér fyrir neðan höfum við tekið saman þá viðburði sem gætu verið sérstaklega áhugaverðir fyrir yngri kynslóðina.
Allar sýningar og sýningarstaðir HönnunarMars fylgja gildandi sóttvarnarreglum er varða samkomutakmarkanir og grímuskyldu.
Peysa með öllu fyrir alla, uppskeruhátíð
![](https://images.prismic.io/midstod-honnunar-og-arkitekturs/04cf2f01-dd1d-4d7c-9777-1d20a881bf41_yrurari_06-minni_1500x660_acf_cropped.jpeg?auto=compress,format)
Ýr Jóhannsdóttir er textílhönnuður og listakona sem starfar undir nafninu Ýrúrarí. Verk hennar eru að mestu unnin í prjóni og í þeim mætast húmor, handverk og hreyfing. Ýr hefur miðlað aðferðarfræði sinni í smiðjum þar sem unnið er með ósöluhæfar peysur úr fatasöfnun Rauðakrossins og þær fá nýtt líf.
Ofurhetjur jarðar
![](https://images.prismic.io/midstod-honnunar-og-arkitekturs/78f93314-e3df-4b38-abae-d061b2027f4e_tykjo-cc-81-teymi_-40siggaella_1500x660_acf_cropped.jpg?auto=compress,format)
Sýningarsal á fyrstu hæð Bókasafnsins og Náttúrfræðistofu Kópavogs er umbreytt í töfraveröld þar sem börn geta komið og brugðið sér í gervi fjölskrúðugra dýra. Dýrin eru ævintýraverur, innblásnar af mögnuðum eiginleikum dýra úr ýmsum vistkerfum jarðar. Búningarnir eru hannaðir með það í huga að þeir passi börnum á ólíkum aldursskeiðum.
Krakkaklúbburinn Krummi í Listasafni Íslands
![](https://images.prismic.io/midstod-honnunar-og-arkitekturs/53d557b0-fdfb-43eb-b402-0d1e61170faf_krakkaklu-e2-95-a0ubburinnkrummi_logo2_1500x660_acf_cropped.jpeg?auto=compress,format)
Í tilefni Hönnunarmars býður Krakkaklúbburinn krummi börnum og fjölskyldum þeirra í skemmtilega bókasmiðju þann 22.maí 2021 kl. 14 í Listasafni Íslands.
Listaverkin á sýningum safnsins veita innblástur að gerð svokallaðra sprettimyndabóka.
Sprettimyndabók er þrívíð bók eða sviðsmynd sem hægt er að draga út og saman líkt og harmónikku en í miðjunni birtist sviðsmynd þar sem þú hannar þitt eigið bókverk.
Allir út að læra
![](https://images.prismic.io/midstod-honnunar-og-arkitekturs/52efd427-d4d7-43e3-aedc-83333b10eb52_allir-ut-ad-laera_bild1_1500x660_1500x660_acf_cropped.jpeg?auto=compress,format)
Námsgögnin Allir út að læra! byggja á því að nýta þann efnivið sem náttúran býður upp á og ýmis konar tækifæri til rannsókna og uppgötvana sem fólgin eru í útikennslu. Nemendur fá að kynnast ýmsum viðfangsefnum með því að rannsaka, skapa og finna sínar eigin lausnir. Námsgögnunum er ætlað að ýta undir að nemendur öðlist þekkingu með því að snerta, hreyfa og upplifa með öllum líkamanum.
Fylgið okkur
![](https://images.prismic.io/midstod-honnunar-og-arkitekturs/281e88be-74f8-4ffd-918c-aedbfbb21494_023-1-1_1500x660_acf_cropped-1.jpeg?auto=compress,format)
Sýningin Fylgið okkur teflir fram völdum verkum frá íslenskum hönnuðum sem eru nýsprottnir fram á sjónarsviðið. Hönnuðirnir eiga það sammerkt að hafa með sínum fyrstu verkum vakið athygli og eftirvæntingu, hver á sínu sviði
Jarðsetning
![](https://images.prismic.io/midstod-honnunar-og-arkitekturs/e5a1a751-eb1f-41ce-916e-af6f4d5bf55d_jardsetning_innsetning_1500x660_acf_cropped.jpeg?auto=compress,format)
Í innsetningunni JARÐSETNING er stigið inn í byggingu Iðnaðarbankans og fylgst er með niðurrifi hennar innanfrá.
Af ásettu ráði
![](https://images.prismic.io/midstod-honnunar-og-arkitekturs/d9c6d728-16ca-428d-a573-a1a5c7f81285_lhi_utskriftarhatid_heild_banner_1500x660_acf_cropped.png?auto=compress,format)
Útskriftarsýning Listaháskóla Íslands 2021, „Af ásettu ráði“ fer fram í Listasafni Reykjavíkur, Hafnarhúsi við Tryggvagötu dagana 15. -24. maí. Þar sýna útskriftarnemendur á BA stigi í arkitektúr, fatahönnun, grafískri hönnun, vöruhönnun og myndlist ásamt útskriftarnemendum í MA hönnun.
Samhæfður dans í Vesturbæjarlauginni
![](https://images.prismic.io/midstod-honnunar-og-arkitekturs/fa079da4-fcd3-4dfd-a4cb-40bd2987b3a1_dscf6837_1500x660_acf_cropped.jpeg?auto=compress,format)
BAHNS kynnir þriðju sundfatalínuna sína með einstakri sundupplifun í Vesturbæjarlauginni. Dansarar sýna móderniseraðan samhæfðan dans í nýjustu sundfötum merkisins. Sýningarnar verða tvær, klukkan 16.30 og 17.30 en ókeypis verður í laugina milli 16 og 18 föstudaginn 19. maí.
Maðurinn í skóginum
![](https://images.prismic.io/midstod-honnunar-og-arkitekturs/31cc9f2a-acf6-456f-98e5-588dbb6f4ee0_madurinn.jpeg?auto=compress,format)
Með varanlegum innsetningum í nokkrum skógarrjóðrum hafa tvö hönnunarteymi skapað áfangastaði í hólmanum, sem minna á sögu skógarins og þá miklu gleði og góða anda sem fylgdi skógræktinni. Fólki gefst þar kostur á að eiga samveru í skjóli, fræðast, njóta náttúrunnar og fallegrar hönnunar.