HönnunarMars 2020 fer fram dagana 24.-28. júní

Í ljósi fordæmalausra aðstæðna hefur stjórn og stjórnendur HönnunarMars ákveðið að færa hátíðina til sumar en hátíðin fer fram dagana 24.-28 júní næstkomandi. 

Ákvörðunin er tekin að vel í grunduðu máli og í samtali við þátttakendur og samstarfsaðila. Það er forgangsatriði að allir leggist á eitt við að hefta frekari útbreiðslu veirunnar sem nú herjar á samfélagið. HönnunarMars er 12 ára hátíð sem fæddist í miðju hruni og hefur því frá upphafi verið boðberi bjartsýni, nýsköpunar og nýrra leiða.

Hann mun því koma inn með krafti, veita innblástur, gleði og varpa ljós á kraumandi skapandi kraft hönnunarsamfélagsins hér á landi. Það eru bjartari tímar framundan, mætum tvíefld til leiks með hækkandi sól! Sjáumst á HönnunarMars dagana 24.-28. júní!

designmarch
DESIGNMARCH IN JUNE! Nýjar dagsetningar HönnunarMars 2020 - sjáumst hress 24.-28. júní ! // New dates for DesignMarch 2020 - see you in Reykjavík 24th - 28th of June ! #designmarch #designtalks #honnunarmars #icelandicdesign #icelanddesigncentre #reykjavik #iceland
Höfundur
Álfrún Pálsdóttir

Tögg

  • DesignTalks
  • HönnunarMars