Umfjöllun um HönnunarMars 2020 í nýjasta Stopover tímariti Icelandair

Tímarit Icelandair, Stopover, fjallar um stærstu hönnunarhátíð landsins og gefur smá innsýn inn í 5 verkefni sem munu líta dagsins ljós á HönnunarMars 2020.

Blaðið fjallar meðal annars um mikilvægi HönnunarMars fyrir hönnunarsamfélagið á Íslandi og aðdráttaraflið sem hátíðin hefur fyrir erlenda sem innlenda gesti til að kynna sér íslenska hönnun í sinni fjölbreyttu og fersku mynd.

Í tímaritinu er hægt að kynna sér 5 hönnunarverkefni sem verða á dagskrá hátíðarinnar í ár en þetta er fyrsti forsmekkur af hvernig dagskráin mun líta út 2020. Það eru Genki Instruments, sigurvegarar Íslensku hönnunarverðlaunanna 2019, Fólk Reykjavík, Farmers Market, Lilý Erla Adamsdóttir og Guðmundur Úlfarsson og Hanna Dís Whitehead sem verða meðal þátttakenda í ár.