Hönnunarskólinn fyrir 13-16 ára hefst 30. september

14. september 2020

Klifið, skapandi setur, kynnir í samstarfi við Hönnunarsafn Íslands Hönnunarskóla, námskeið fyrir krakka á aldrinum 13- 16 ára. Í Hönnunarskólanum fá þátttakendur innsýn inn í störf og aðferðarfræði hönnuða. Námskeiðið hefst 30. september næstkomandi.

Í gegnum samtöl, skissur og frumgerðir gefst innsýn inn í það hvað felst í því að vera arkitekt, spilahönnuður, vöruhönnuður, fatahönnuður og matarhönnuður.

Sjö hönnuðir koma að kennslu á námskeiðinu sem er byggt þannig upp að í fyrstu tvö skiptin er unnið arkitektaverkefni, næstu tvö spilahönnunarverkefni og þannig koll af kolli.
Námskeiðið er kennt á miðvikudögum frá 17.30 - 19.30 og stendur í 10 vikur. Kennarar eru Sigríður Sigurjónsdóttir, Embla Vigfúsdóttir, Halla Hákonardóttir, Björn Steinar Blumenstein og Áslaug Snorradóttir og fer kennsla fram á Hönnunarsafni Íslands.

Hér má finna viðburð á Facebook.

honnunarsafn
Allt á fullu í borðspilahönnun í Hönnunarskóla Hönnunarsafns Íslands undir leiðsögn Emblu Vigfúsdóttur borðspilahönnuðar.
Dagsetning
14. september 2020
Höfundur
Álfrún Pálsdóttir

Tögg

  • Greinar
  • Hönnunarsafn Íslands
  • Hönnunarskóli