Safnanótt í Hönnunarsafni Íslands

Það verður mikil um að vera á Hönnunarsafni Íslands á Safnanótt þann 2. febrúar. Opnun er á sýningu Lilýar Erlu Adamsdóttur, Veggplöntur, sem er heimsókn inn í föstu sýninguna Hönnunarsafnið sem heimili. Þá verður innflutningsboð hjá gullsmiðnum Mörtu Staworowsku sem verður í vinnustofudvöl í safninu næstu þrjá mánuði. Dagskráin hefst kl. 20.

Sýning Lilýar Erlu Adamsdóttur, Veggplöntur er heimsókn inn í föstu sýninguna Hönnunarsafnið sem heimili. Fólk hefur þörf til að skreyta og breyta svo mörg heimili taka stöðugum breytingum. Lilý Erla er þekkt fyrir textílverk sín en hefur undanfarið verið að þróa veggteikningar sem minna á veggfóður en eru handteiknaðar beint á veggi.

Þá verður einnig innflutningsboð hjá gullsmiðnum Mörtu Staworowsku sem verður í vinnustofudvöl í safninu næstu þrjá mánuði. Marta er lærður landslagsarkitekt og gullsmiður. Hún vinnur talsvert með víravirki og það verður áhugavert fyrir gesti safnsins að fá innsýn í störf hennar næstu vikur.

Bassaleikarinn Birgir Steinn og félagar bjóða upp á djass á efri hæð safnsins milli 20-21. Samtímis heldur DJ Kjörk uppi stuðinu í innflutningsboðinu hjá Mörtu.

Dagskráin er liður í Safnanótt í Garðabæ en fjölskyldudagskrá verður á Bókasafni Garðabæjar frá kl. 17 - 20 þar sem grafíski hönnuðurinn Una María verður m.a. með smiðju í skapandi skrifum.