Skipulagsdagurinn haldinn í Grósku 19. október

Skipulagsdagurinn 2023 verður haldinn hátíðlega fimmtudaginn 19. október kl. 9.00-16.00 með árlegu málþingi um skipulagsmál. Skipulagsdagurinn fer fram í Grósku, hugmyndahúsi, við Bjargargötu 1 í Reykjavík og er haldinn í samstarfi við Samband íslenskra sveitarfélaga.

Í ár verður kastljósinu beint að hvítbók um skipulagsmál sem var birt í samráðsgátt stjórnvalda í lok september. Dagskrána er að finna hér fyrir neðan en deginum verður skipt upp í fjögur meginþemu sem eru eftirfarandi: 1) Landsskipulagsstefna, 2) uppbygging húsnæðis og gæði byggðar, 3) aðlögun að loftslagsbreytingum, og 4) skipulag á miðhálendi Íslands.

Öll áhugasöm eru hjartanlega velkomin og fer skráning fram hér. Viðburðinum verður jafnframt streymt á Facebook-síðu og heimasíðu Skipulagsstofnunar. Ekki er þörf á að skrá sig til að fylgjast með streyminu.

Ráðstefnugjald er 6.000 krónur en innifalið í því er hádegisverður og síðdegishressing. Sérstakur afsláttur er fyrir nema, en þeir greiða 3.000 krónur.

Hægt er að skoða nákvæma dagskrá Skipulagsdagsins hér.