„Það mikilvægasta við vinskap er að byggja upp traust“

Sýningin Hæ/Hi: Designing Friendship opnaði í Seattle í byrjun október þar sem sex íslenskir hönnuðir/hönnunarteymi fóru vestur um haf til að fylgja sýningunni eftir og styrkja vináttuböndin við bandarísku hönnunarteymin. 

Hæ/HI átti upphaflega að vera á dagskrá HönnunarMars árið 2020 en nú loks tveimur árum síðar hefur vináttan fengið að blómstra þegar hönnuðirnir frá Seattle sóttu íslensku hönnuðina heim á HönnunarMars í vor og svo núna þegar íslensku hönnuðirnir fóru til Seattle. Sýningin var sett upp í Maria Bianco Gallery í tengslum við Taste of Iceland í Seattle í byrjun október. 

Úrval hönnuða og hönnunarteyma frá vinaborgunum Seattle og Reykjavík sýndu verk sem unnin voru út frá vináttu. Áhersla er á upphafsstefið; hvernig við kynnum okkur. Endurspeglum við eigin persónuleika og menningu við fyrstu kynni? Hvernig notum við skynfærin til þess að kynnast og tengjast? Hverju deilum við og hvað viljum við vita?

Hugmyndin að sýningunni varð til á Taste of Iceland viðburði í Seattle á vegum Iceland Naturally og Íslandsstofu, árið 2018, þegar Darin Montgomery, stofnandi Urbancase og Fin, og Halla Helgadóttir, framkvæmdastjóri Miðstöðvar hönnunar og arkitektúrs, heimsóttu hönnunarstúdíó í borginni.

Þátttakendur í Hæ/Hi

• Agustav (IS)
• Amanda Ringstad (US)
• Fruitsuper (US)
• Gabriel Stromberg (US)
• Grain (US)
• Hanna Dís Whitehead (IS)
• Hugdetta & 1+1+1 (IS)
• John Hogan (US)
• Jonathan Junker (US)
• Ragna Ragnarsdóttir (IS)
• Ragnheiður Ösp Sigurðardóttir (IS)
• Theodóra Alfreðsdóttir (IS)
• Weekend Studio (US)
• Þórunn Árnadóttir (IS)

„Vinskapur snýst um samskipti, samvinnu, ást og tillitssemi gagnvart náunganum,“ segir Darin Montgomery í myndbandinu hér neðar í fréttinni sem gefur innsýn inn í verkefnið og ferðina til Seattle.