Aðalfundur Arkitektafélags Íslands miðvikudaginn 26. mars

Aðalfundi Arkitektafélags Íslands sem halda átti miðvikudaginn 26. febrúar kl. 17:00 er frestað til miðvikudagsins 26. mars kl. 17:00. Fundurinn verður haldinn í salnum Fenjamýri í Grósku.

Meginástæða þess að ákveðið hefur verið að fresta aðalfundi hefur með ársreikning að gera. Hann barst seint, m.a. vegna þess að skipt var um bæði bókhaldskerfi og bókhaldsfyrirtæki á síðasta ári. Það reyndist tímafrekt að fá allar upplýsingar úr fyrri kerfum og því barst reikningurinn afar seint. Af sömu ástæðum er misræmi í honum sem stjórn AÍ og skoðunarmenn reikninga telja mikilvægt að greiða úr og fá betri svör við áður en hann er samþykktur og lagður fyrir aðalfund.

Aðalfundi verður einnig streymt fyrir þá sem eiga ekki heimangengt. 

Að venju verður kosning í stjórn og nefndir félagsins og óskum við eftir framboði til trúnaðarstarfa. Núverandi stjórn býður sig áfram til stjórnarsetu og stór hluti nefndarmanna í nefndum.

Allir áhugasamir eru hvattir til að senda framboð sitt á netfangið ai@ai.is

Hér að neðan er hlekkur á drög að nýrri stefnu AÍ sem lögð verður fyrir á fundinum.

Dagskrá:

1. Skýrslur stjórnar og nefnda.

2. Endurskoðaðir reikningar félagsins.

3. Ávöxtun sjóða.

4. Lagabreytingar.

5. Kosningar:

a) Kosning stjórnar, sbr. 12. gr.
b) Kosning tveggja endurskoðenda og eins til vara.
c) Kosning í nefndir, sbr. 15.gr. Kosið skal sérstaklega um formenn þeirra.
d) Kosning fulltrúa í stjórn Minningarsjóðs Guðjóns Samúelssonar.
e) Kosning annarra fulltrúa í samtök og ráð sem félagið er aðili að.

6. Árgjald og rekstraráætlun sbr. 18. gr.

7. Önnur mál, er upp kunna að vera borin

a) Ný stefna Arkitektafélags Íslands og kosning um hana

Atkvæðisrétt hafa allir viðstaddir fullgildir félagsmenn, sbr. þó 23. gr.

Fundargerð aðalfundar, undirrituð af fundarstjóra og ritara, skal liggja fyrir innan tveggja vikna frá aðalfundi og skal hún borin undir fyrsta almenna félagsfund þar á eftir.

Þegar hafa eftirtalin lýst áhuga á setu í nefndum:

• Framþróunarnefnd (vantar 1)
  Anna Karlsdóttir 
  Ólafur Ólason
  Sóley Lilja Brynjarsdóttir
• Siðanefnd (vantar: 3)
  Hólmfríður Ósmann Jónsdóttir
  Jóhannes Þórðarson
  Sólveig Berg
• Samkeppnisnefnd (vantar: 0)
  Ólafur Ólason
• Menntanefnd (vantar: 1-2)
  Hjördís Sóley Sigurðardóttir
  Bryndís Alfreðsdóttir
• Stjórn Úthlutunarsjóðs Guðjóns Samúelssonar (vantar: 2)
  Aðalheiður Atladóttir
  Bjarki Gunnar Halldórsson
  Ólafur Ólason
• Orða- og ritnefnd (vantar: 1)
  Fanney Margrét Eiríksdóttir