Fyrirlestur með Ýrúrarí í Listasafni Sigurjóns í Laugarnesi

Ýr Jóhannsdóttir - Ýrúrarí mun kynna verk sín og listsköpun í Listasafni Sigurjóns í Laugarnesi, þriðjudaginn 25. febrúar kl: 20:00.

Ýr mun meðal annars segja frá þróun verkefnisins PRÓTÓTÝPA sem hún vinnur á nýja gerð stafrænnar prjónavélar sem hún hefur flutt til landsins. Hún mun sýna vörur sem hún hefur prjónað á vélina ásamt nýjum prufum sem eru prjónaðar meðal annars úr íslenskri ull; einbandi og fjallalopa.

Hún hefur hlotið verðskuldaða athygli fyrir prjónahönnun sína um heim allan. Ýrúrarí ásamt stúdíó Fléttu hlaut Hönnunarverðlaun Íslands árið 2023 fyrir verkefnið Pítsustund. Ýrúrarí var einnig tilnefnd til Hönnunarverðlauna Íslands fyrir verkefnið Peysa með öllu sem hún vann í samstarfi við fatasöfnun Rauða krossins.

Ýrúrari heimasíða

Facebook síða Prjónaveturs.

Nánar um Prjónavetur;

Prjónavetur í Lista­safni Sigur­jóns Ólafs­son­ar í Laugar­nesi er röð stuttra sýn­inga og við­burða vet­ur­inn 2024−25, þar sem ljósi er varp­að á prjóna­hönn­un og stöðu ís­lensks prjóna­iðn­að­ar. Mark­mið­ið er að kynna hluta af þeirri flóru prjóna­hönn­un­ar sem hef­ur verið fram­leidd á Ís­landi síð­ustu ár. Verk­efn­ið geng­ur einn­ig út á að opna um­ræðu um stöðu ís­lensks prjóna­iðn­að­ar fyrr og nú, og líta til fram­tíðar.

Samspil sýn­inga, fyrir­lestra og mál­þings mun gefa gest­um ein­staka inn­sýn inn í ferli frá hug­mynda­vinnu til full­bún­ar prjóna­vöru. Mikl­ar svipt­ing­ar hafa átt sér stað síð­ustu ár í ís­lensk­um prjóna­iðn­aði. Þörf er á um­ræðu um varð­veislu­gildi hans og mögu­leik­um í ný­sköp­un. Ís­lensk­ir hönn­uð­ir með sjálf­bærni að leiðar­ljósi hafa í sam­starfi við prjóna­verk­smiðj­ur hér­lend­is fram­leitt hluta af þekkt­ustu hönn­unar­vör­um lands­ins sem marg­ar hafa náð heims­athygli.

Aðgangseyrir: 1000 kr.