Hönnunarsjóð fagnað á HönnunarMars

Hönnunarsjóður fagnar 10 árum í ár og var því kjörið tilefni til að líta yfir farinn veg á viðburði sem fór fram í Grósku á HönnunarMars. Valdir styrkþegar veittu innsýn inn í verkefni sín og hvaða þýðingu Hönnunarsjóður hefur haft í þeirra vegferð og framgangi. 

Dagskrá viðburðarins hófst með því að Eydís Kvaran flutti verk á Dórófón, hljóðfæri sem hlaut styrk úr sjóðnum við gerð þess. 

Kynnar voru Greipur Gíslason og Edda Kristín Sigurjónsdóttir en Birna Bragadóttir, formaður stjórnar Hönnunarsjóðs opnaði viðburðinn. Fram komu aðilar frá verkefnunum Pikkoli, Plastplan, Vistbók, Gagarín, Fléttu, FÚSK Gufunesi, Fólk, Flothettu og As We Grow ásamt því að Lilja D. Alfreðsdóttir, menningar- og viðskiptaráðherra flutti ávarp. 

Hér má sjá úrval mynda frá Aldísi Pálsdóttur frá viðburðinum.