Listamannadvöl í Varmarhlíðarhúsinu í Hveragerði fyrir árið 2024
Hveragerðisbær auglýsir eftir umsóknum um dvöl í listamannahúsinu Varmahlíð í Hveragerði fyrir árið 2024. Horft er til listamanna sem eru í fagfélögum í sinni listgrein sem og annarra listamanna og er fólk úr hvers kyns listgreinum hvatt til að sækja um dvöl.
Íbúðarhúsið Varmahlíð er búið öllum húsgögnum og eldunartækjum. Gestalistamenn fá endurgjaldslaus afnot af húsinu til að vinna að listgrein sinni en gert er ráð fyrir að þeir kynni verk sín og listgrein í samfélaginu.
Dvalartímabilum fyrir árið 2024 er úthlutað frá janúar til og með desember, 2 til 4 vikur í senn.
Nánari upplýsingar veitir Sigríður Hjálmarsdóttir, menningar-, atvinnu- og markaðsfulltrúi, sími 483 4000, netfang: sigridurhj@hveragerdi.is.
Sótt er um dvöl í Varmahlíðarhúsinu í gegnum íbúgátt Hveragerðisbæjar.
