Íslenskir fatahönnuðir teikna sokka fyrir Íslands­deild Amnesty Internati­onal

1. desember 2020

Íslands­deild Amnesty Internati­onal selur sokka eftir íslenska hönnuði til styrktar mann­rétt­ind­a­starfsins. Í ár voru fatahönnuðirnir Anita Hirlekar, Aldís Rún og Bergur Guðnason fengnir til að teikna sokka.

Sokk­arnir eru fram­leiddir í verk­smiðju í Portúgal þar sem mikið er lagt upp úr sjálf­bærni í fram­leiðslu­ferlinu. Ferlið er form­lega vottað af Cotton Made in Africa sem er framtak í Afríku sem vinnur að því að efla lífs­kjör smábænda og stuðla að umhverf­i­s­vænni bómullar­fram­leiðslu samkvæmt ströngum skil­yrðum

Auk þess að geta keypt sokkana í vefverslun Amnesty verða þeir fáan­legir í Kiosk í Granda­garði, versl­unum Hagkaupa og Ungfrúnni góðu. 

Allur ágóði af sokka­söl­unni rennur óskiptur til mann­rétt­ind­a­starfs Íslands­deildar Amnesty Internati­onal.

Ljósmyndir tók Kári Sverriss, stílisti var Hulda Halldóra og fyrirsætur komu frá íslenska dansflokknum.

Dagsetning
1. desember 2020
Höfundur
Álfrún Pálsdóttir

Tögg

  • Greinar
  • Fatahönnun