DesignTalks 2022 - Anders Lendager, arkitekt, stofnandi og framkvæmdastjóri Lendager Group

Anders Lendager, arkitekt, stofnandi og framkvæmdastjóri Lendager Group kemur fram á DesignTalks 2022 alþjóðlegu ráðstefnunni og lykilviðburði HönnunarMars, sem varpar ljósi á hvernig hönnun og arkitektúr getur tekið þátt í uppbyggingu og framþróun og verið hreyfiafl breytinga.

Lendager Group hefur fest sig í sessi sem eitt stærsta og áhrifamesta fyrirtæki í Danmörku þegar kemur að sjálfbærum arkitektúr. Verkefnið þeirra, Resource Rows, var tilnefnt til virtustu arkitektúrverðlauna heims – ESB-verðlaunin fyrir nútímaarkitektúr – Mies van der Rohe-verðlaunin 2022. Verkefnið er byggt með endurnýjuðu efni og sparar 29% CO2.

Anders er lærður arkitekt frá arkitektaskólanum í Árósum og þekktur sem brautryðjandi á sviði sjálfbærni og fyrir að þrýsta dönskum byggingariðnaði í átt að  sjálfbærni og hringrás. Hann á sæti í stjórn danskra arkitektastofa, meðlimur í ráðgjafaráði SDG Accelerators á vegum Sameinuðu þjóðanna, er gestaprófessor við arkitektaskólann við Árósum - auk þess að sitja í mörgum mismunandi nefndum á sviði loftslagsaðgerða og umhverfisþróun. 

Anders hefur náð tökum á því að endurhugsa grunninn að byggingarframkvæmdum og hvernig á að búa til nýjar aðferðir til á endurvinnslu á efnum - með það að markmiði að skapa heilbriðgan, grænan og hringrásarhæfan heim fyrir okkur öll í hinu byggða umhverfi. 

DesignTalks 2022 snýr aftur á dagskrá þann 4. maí í Silfurbergi í Hörpu. Stjórnandi er Hlín Helga Guðlaugsdóttir og kynnir verður Marcus Fairs, ritstjóri og stofnandi ein virtasta hönnunarmiðils í heimi í dag, Dezeen, sem tengir samtalið alþjóðlegu samhengi og dregur fram mikilvægi þess fyrir breiðari hóp. 

Dagskrá dagsins verður ferðalag um fornar aðferðir, seiglu, handverk og frumbyggja visku, um tilraunir til endurhugsunar núverandi kerfa, viðbragð við krísuástandi, hönnun upplýsinga, tækni og gagnalæsi yfir í útvíkkaða raunveruleika og spáhönnun sem dregur upp framtíðarmyndir til að spegla og rýna samtímann.

„Þetta verður hátíð ímyndunaraflsins - og stund íhugunar.” 

- Hlín Helga, stjórnandi DesignTalks.

Búið er tilkynna þau Liam Young, leikstjóra og sci-fi arkitekt, Giorgiu Lupi, upplýsingahönnuð og partner hjá Pentagram, Stefán Laxness, arkitekt og fræðimann og Valdís Steinarsdóttir, hönnuð. Það stefnir því í fjölbreyttan dag í Hörpu þann 4. maí  - fylgstu með hér er við tilkynnum hverjir fleiri koma fram á DesignTalks 2022.

Forsölu fer senn að ljúka svo við mælum með að hafa hraðar hendur og tryggja sér miða.