Sigríður Maack formaður AÍ segir ógáfulegt að spara við uppbyggingu á íbúðarhúsnæði

,,Ógáfulegt að spara við uppbyggingu á íbúðarhúsnæði" segir Sigríður Maack formaður AÍ í samtali við Mbl.is fyrr í vikunni. Þar ræddi hún um mik­il­vægi sál­rænna þátta þegar kem­ur að upp­bygg­ingu á íbúðar­hús­næði og þétt­ingu byggðar.

Tilurð samtalsins var viðtal við Pál Jakob Líndal umhverfissálfræðing sem birtist í Morgunblaðinu þar sem hann kallaði eftir því að litið væri til áhrifa umhverfis á heilsu og vellíðan fólks í þeirri miklu uppbyggingu sem á að eiga sér stað á höfuðborgarsvæðinu og víðar á næstu árum. Í framhaldi óskaði mbl.is eftir viðbrögðum AÍ við ummælum Páls.

Í samtalinu segir Sigríður ennfrekar að mannlegar þarfir séu oft vanmetnar í samanburði við kostnað og hvetur til þess að praktísera nú­tíma­leg og þverfag­leg vinnu­brögð við uppbyggingu á íbúðarhúsnæði sem byggja á rann­sókn­um og grein­ingu viðfangs­efn­is og bestu þekk­ingu á úr­lausn­um þess.