Opið kall / Leirnámskeið: “Out of Clay and Wood”. Náttúruleg efni í arkitektúr framtíðarinnar

Langar þig að kanna möguleikana sem leir býður upp á fyrir hönnun og arkitektúr ?

Í lok janúar verður haldið 5 daga leirnámskeið í Póllandi þar sem unnið verður með bæði íslenskan og pólskan leir, þátttakendur verða leiddir í gegnum ferlið allt frá undirbúningi leirsins til hönnunar á eigin verki. 

Með stuðningi frá leiðbeinendum og þeim sérfræðingum sem einnig munu taka þátt, munt þú skapa verk sem eru innblásin af hefðbundnum formum á sama tíma og þú aðlagar þau að nútíma þörfum. Á námskeiðinu munu einnig sérfræðingar í leir, arkitektúr og vöruhönnun halda fyrirlestra. 

Viðburðurinn er jafnframt einstakt tækifæri til að hitta og mynda tengsl við nemendur og kennara frá báðum löndum, stuðla að auknu samstarfi og skiptast á hugmyndum, þvert á menningarheima. 

Frekari upplýsingar : 

• Námskeiðið fer fram dagana 27.-31 janúar 2025
• Nemendur og sérfræðingar í hönnun og arkitektúr geta sótt um. Ekki er nauðsynlegt að hafa grunn í leirmótun. 
• Síðasti dagur til að sækja um er 19. desember. Sendu inn umsókn ( að hámarki 10MB) á info@idkielce.pl  með  “Ceramic Workshop 2025.” í titil línunni. 
• Fjöldi nemenda : fjórir frá Íslandi og fjórir frá Póllandi. 
• Boðið er upp á efnivið, uppihald og gistingu og stuðning við ferðakostnað.

Námskeiðið er samstarfsverkefni og fjármagnað með styrkjum frá Noregi og evrópska efnahagssvæðinu. 

Skipuleggjandi er : ID Kielce, National Institute of Architecture and Urban Planning (NIAiU). 

Samstarfsaðili : Listaháskóli Íslands.