Minn HönnunarMars - Þuríður Blær Jóhannsdóttir

Hvernig verður HönnunarMarsinn þinn? Þuríður Blær Jóhannsdóttir, leikkona deilir hvaða sýningum hún ætlar ekki að missa af á HönnunarMars í maí 2021.

Nú er HönnunarMars í maí er að bresta á í allri sinni dýrð. Dagskráin telur um 80 sýningar sem breiða úr sér um bæinn og því vel við hæfi að fá smá leiðsögn í gegnum fjölbreytta dagskrá sem endurspeglar einstaka grósku íslensks hönnunarsamfélags.

Framtíðin, tækni, sjálfbærni, náttúra, arfleifð og nýsköpun er þátttakendum hugleikin viðfangsefni á hátíðinni í ár sem veitir innblástur inn í nýja tíma.

Næstu dagana munum við deila hvaða sýningum vel valdir aðilar ætla ekki að láta framhjá sér fara á HönnunarMars í maí 2021 undir yfirskriftinni Minn HönnunarMars.

Hér eru þær sýningar sem Þuríður Blær ætlar ekki að missa af í ár

Ég er mikill aðdáandi þeirra beggja og held að þetta verði mjög nett. Ef ég get verið í Hullabol sem er líka eitthvað sexý þá hoppa ég á það tækifæri. Annars vil ég líka vera týpan sem situr á tískusýningu með sólgleraugu og klappa þó mér stökkvi ekki bros. 

Þetta er sýning með tauverkum sem vísa hvert og eitt í einhverja baráttukonu. Svo eru verkin og plaköt til sölu. Þrái listaverk með feminískum undirtón til að prýða stofuvegginn.

Handunnin og handmáluð matarílát innblásin frá íslenskri náttúru. Mjög til í þetta. Minnir smá á Bitz nema Íslenskt. Æðislegt.

Þetta er sýning um flíkur sem lúkka eins og gúmmí. Allt sem Valdís Steinarsdóttir gerir er auðvitað snilld þannig ég ætla ekki að láta þetta fram hjá mér fara.

Ég er með smá fasteigna og arkitektúrblæti og finnst mjög gaman að heyra fólk tala um listina bakvið að byggja hús. Sigvaldi er líka uppi á svo merkilegum tíma í íslenskri menningarsögu og mér sýnist líka vera snert á því hér. Mjög áhugavert.