Minn HönnunarMars - Helga Vilmundardóttir
![](https://images.prismic.io/midstod-honnunar-og-arkitekturs/30ec47a1-4951-473d-b322-02d9c37414fc_MinnHonnunarMars52.png?auto=compress,format&rect=0,0,4997,2625&w=1620&h=851)
Hvernig verður HönnunarMarsinn þinn? Helga Vilmundardóttir, arkitekt hjá Stáss deilir hvaða sýningum hún ætlar ekki að missa af á HönnunarMars í maí 2021.
Nú er HönnunarMars í maí er að bresta á í allri sinni dýrð. Dagskráin telur um 80 sýningar sem breiða úr sér um bæinn og því vel við hæfi að fá smá leiðsögn í gegnum fjölbreytta dagskrá sem endurspeglar einstaka grósku íslensks hönnunarsamfélags.
Framtíðin, tækni, sjálfbærni, náttúra, arfleifð og nýsköpun er þátttakendum hugleikin viðfangsefni á hátíðinni í ár sem veitir innblástur inn í nýja tíma.
Næstu vikuna munum við deila hvaða sýningum vel valdir aðilar ætla ekki að láta framhjá sér fara á HönnunarMars í maí 2021 undir yfirskriftinni Minn HönnunarMars.
Hér eru þær sýningar sem Helga ætlar ekki að missa af í ár
Híbýlaauður
![](https://images.prismic.io/midstod-honnunar-og-arkitekturs/61edf6eb-2c2a-45d5-b212-56c1f83985b5_Hi%CC%81by%CC%81lau%C3%B0ur.jpeg?auto=compress,format)
Ótrúlega áhugavert, hlakka mjög til þess að sjá hvað kemur út úr þessari samvinnu. Gildisaukandi áhrif arkitektúrs er eitthvað sem ég held að almenningur á Íslandi sé alls ekki að kveikja á og þess vegna vonast ég til þess að sem flestir fari og sjái þessa sýningu. Hvað eru gæði í arkitektúr og hafa örugglega allir sem hafa jafnan aðgang að þessu gæðum
Öllum hnútum kunnug
![](https://images.prismic.io/midstod-honnunar-og-arkitekturs/493af6d2-00b3-4f52-8c15-d2d5ba9dab75_knowingtheropes_press_01_small.jpg?auto=compress,format)
Ég er mjög spennt að sjá þess þverfaglegu sýningu. Netagerð og gerð reipa og hnúta hefur mér alltaf þótt heillandi heimur og er ég sérstaklega spennt að sjá hvað kemur út úr samstarfi þessa flottu einstaklingu sérstaklega finnst mér gaman að Teresa Himmer sé þátttakandi þar sem hennar listheimur og hennar arkitekttónísku tengingar heilla alltaf.
það kemur í ljós
![](https://images.prismic.io/midstod-honnunar-og-arkitekturs/5e0a2a49-de51-438c-bb4c-c74f52d4ea0b_Hli%CC%81n+og+Skapari.jpg?auto=compress,format)
Samstarf Hlínar Reykdal og Skaparans. Býst ekki við öðru en að þetta verði eitthvað magnað. Getur varla annað verið þegar aðrar eins hæfileikakanónur leiða saman hesta sína.
iucollect al fresco
![](https://images.prismic.io/midstod-honnunar-og-arkitekturs/13ebbbfa-5817-4d8b-a2c7-f631ea4dda42_hm2021_iucollectalfresco_15x15_installation-3_1500x660_acf_cropped.jpeg?auto=compress,format)
Innsetningar í í borgarrýminu eru alltaf áhugaverðar og gefa áður þekktum stöðum nýja vídd og nýjan fókus. Ég hlakka til þess að upplifa nýjar víddir í Reykjavík í gegnum þessa sýningu.
Peysa með öllu fyrir alla
![](https://images.prismic.io/midstod-honnunar-og-arkitekturs/fdf43030-73c8-4791-985a-2438eaf4915e_yrurari_06-minni_1500x660_acf_cropped.jpeg?auto=compress,format)
Ég sá Hamborgarapeysuna á samsýningu á Listasafni Reykjavíkur fyrir nokkru. Fannst hún svo heillandi. Frábært blanda af húmor og blönduðu prógrammi. Verðum að gaman að sjá meira af þessari samsuðu.
Mygluprentari
![](https://images.prismic.io/midstod-honnunar-og-arkitekturs/358101a1-f454-451a-8400-a9a1a145d853_mygluprentari_01_1500x660_acf_cropped-1.jpeg?auto=compress,format)
Spennandi framtak, hugmyndin um að prent haldi áfram að vaxa er framandi en heillandi. Gæti vel hugsað mér að vera með svona verk á heimilinu, ætli að það sé hægt?