Fatahönnunarfélag Íslands

FÍ er fagfélag fatahönnuða á Íslandi. Markmið þess er að efla samheldni meðal þeirra sem starfa við fatahönnun á Íslandi og standa vörð um réttindi félagsmanna. Félagið leggur áherslu á að stuðla að öllu því er til framfara horfir í greininni og að efla hugvit innan íslenskrar fatahönnunar. Félagið leggur sig fram við að upplýsa almenning um fatahönnuði og þeirra starfsvettvang.

Skráðu þig í félagið

Samstarf Farmers Market og Aurora Foundation frumsýnt

Fyrr á þessu ári fóru eigendur Farmers Market í ævintýraferð til Síerra Leóne þar sem markmiðið var að kynnast því starfi sem Velgerðarsjóðurinn Aurora Foundation er með á svæðinu og kanna möguleika á samstarfi. Fyrstu vörurnar eru nú komnar til landsins þar sem einstök hönnun Farmers Market og hæfni handverksfólksins blandast saman í glæsilegri útkomu.

11. desember 2023

Fjölbreyttir hönnunartengdir viðburðir framundan

Önnur helgi í aðventu er framundan með fjölda viðburða fyrir öll. Hér er yfirlit yfir hönnunartengda viðburðadagskrá helgarinnar. Góða skemmtun.

8. desember 2023

Vöndum valið - íslensk hönnun fyrir jólin

Nú líður senn að jólum og á þessum tíma árs er tilvalið að kynna sér þá fjölbreytni og grósku sem er að eiga sér stað í íslenskri hönnun. Hér á heimasíðu Miðstöðvar hönnunar og arkitektúrs er að finna aðgengilegt yfirlit yfir verslanir sem selja íslenska hönnunarvöru, bæði búðir sem selja vörur frá ólíkum hönnuðum, hönnuðir sem eru að selja sjálfir sem og netverslanir.

6. desember 2023

11 hönnuðir hljóta listamannalaun 2024

Úthlutunarnefndir Launasjóðs listamanna hafa lokið störfum og úthlutuðu 50 mánuðum til 11 hönnuða. Alls bárust 49 umsóknir og sótt um 384 mánuði. Anita Hirlekar, Anna María Bogadóttir og Jón Helgi Hólmgeirsson eru meðal þeirra hönnuða sem hljóta starfslaun hönnuða árið 2024.

5. desember 2023

Hátíð í bæ hjá hönnuðum um helgina

Nú er desember genginn í garð í allri sinni dýrð og aðventan framundan með fjölda viðburða fyrir öll. Nú um helgina fara fram ýmsir hönnunartengdir viðburðir sem vert er að gefa gaum. Hér er yfirlit yfir hönnunartengda viðburðadagskrá helgarinnar.

1. desember 2023

Framúrskarandi fögnuður á Hönnunarverðlaunum Íslands 2023

Það var mikið um dýrðir í Grósku þann 9. nóvember þegar Hönnunarverðlaun Íslands voru afhent með pompi og pragt. Dagurinn hófst á því að gestir fengu góða innsýn inn í þau níu framúrskarandi og fjölbreyttu verkefni sem tilnefnd voru til verðlaunanna í ár í þremur mismunandi flokkum. Í kjölfarið var svo verðlaunaafhending með tilheyrandi fögnuði.

15. nóvember 2023

Pítsustund er Verk ársins á Hönnunarverðlaunum Íslands 2023

Pítsustund eftir Fléttu og Ýrúrarí er sigurvegari í flokknum Verk á Hönnunarverðlaunum Íslands 2023 fyrir að vera frumlegt og gott dæmi um hvernig hönnun getur vakið fólk til umhugsunar með eftirminnilegri upplifun og áhugaverðri félagslegri tilraun.

9. nóvember 2023

Edda, hús íslenskunnar er Staður ársins á Hönnunarverðlaunum Íslands

Edda, hús íslenskunnar eftir Hornsteina arkitekta er sigurvegari í flokknum Staður á Hönnunarverðlaunum Íslands 2023 fyrir einkennandi og áhrifamikil bygging sem sameinar varðveislu og aðgengi almennings að íslenskum menningarverðmætum til framtíðar.

9. nóvember 2023

Sigrún Guðjónsdóttir „Rúna” hlýtur heiðursverðlaun Hönnunarverðlauna Íslands 2023

Heiðursverðlaunahafi Hönnunarverðlauna Íslands 2023 er Sigrún Guðjónsdóttir „Rúna” fyrir framlag sitt til leirlistar og brautryðjendastarf á því sviði hér á landi.

9. nóvember 2023

Loftpúðinn er Vara ársins á Hönnunarverðlaunum Íslands 2023

Loftpúðinn eftir Fléttu fyrir FÓLK Reykjavík er sigurvegari í flokknum Vara á Hönnunarverðlaunum Íslands 2023 fyrir að vera nútímalegir, einstakit og fallegir auk þess að vera frábært dæmi um nýskapandi hönnun með áherslu á hringrás.

9. nóvember 2023

Angústúra hlýtur viðurkenningu fyrir bestu fjárfestingu í hönnun 2023

Angústúra bókaforlag hlýtur viðurkenningu fyrir bestu fjárfestingu í hönnun á Hönnunarverðlaunum Íslands 2023 en bókaforlagið hefur frá upphafi átt í samstarfi við leiðandi hönnuði og átt sinn þátt í skrásetningu á hönnunarsögu landsins.

9. nóvember 2023

Tískusýning 2 árs nema í fatahönnun við LHÍ

Verkefnið Misbrigði er unnið af nemendum í fatahönnun á 2. ári við Listaháskóla Íslands í samstarfi við Fatasöfnun Rauða kross Íslands. Tískusýningin verður haldin þann 2. nóvember í svarta kassanum, leikhúsrými Listaháskóla Íslands Laugarnesvegi 91, gengið inn ofan við húsið. Sýningin fer fram tvisvar, kl. 18 og kl. 19 og aðgangur ókeypis.

31. október 2023

Saman ~ matar, menningar og upplifunar markaður - taktu þátt!

Opið er fyrir umsóknir í Saman ~ menningar- &matar markaður sem fer fram laugardaginn 9. desember í Hörpu. Um er ræða vettvang fyrir skemmtilegustu, áhugaverðustu og færustu hönnuði, listamenn, matar- og drykkjarframleiðendur til að selja vörur sínar, bjóða afslætti, setja óvæntar nýjungar og kynna vörumerki.

26. október 2023

Fögnum framúrskarandi íslenskri hönnun 9. nóvember

Afhending Hönnunarverðlauna Íslands 2023 fer fram í Grósku þann 9. nóvember. Fyrir verðlaunaafhendinguna verður sjónum beint að þeim fjölbreyttu verkum sem hljóta tilnefningu til í ár og gestum gefst tækifæri til að fá innsýn og taka þátt í samtali um þau.

26. október 2023

RANRA x Salomon tilnefnt sem vara ársins á Hönnunarverðlaunum Íslands 2023

RANRA x Salomon eftir þá Arnar Már Jónsson og Luke Stevens fyrir Salomon er tilnefnt í flokknum vara ársins á Hönnunarverðlaunum Íslands 2023.

19. október 2023

Íslensk hönnun lýsir upp borgina í október

„Þetta er íslensk hönnun“ kynningarátakið lýsir upp höfuðborgina frá og með deginum í dag. Þetta er þriðja árið í röð sem nýstárleg, fjölbreytileg og litrík íslensk hönnun og arkitektúr birtist og tekur yfir öll ljósaskilti höfuðborgarsvæðisins í heila viku.

16. október 2023