HA / Fréttir

Nú líður senn að jólum og á þessum tíma árs er tilvalið að kynna sér þá fjölbreytni og grósku sem er að eiga sér stað í íslenskri hönnun. Hér á heimasíðu Miðstöðvar hönnunar og arkitektúrs er að finna aðgengilegt yfirlit yfir verslanir sem selja íslenska hönnunarvöru, bæði búðir sem selja vörur frá ólíkum hönnuðum, hönnuðir sem eru að selja sjálfir sem og netverslanir.

Úthlutunarnefndir Launasjóðs listamanna hafa lokið störfum og úthlutuðu 56 mánuðum til 11 hönnuða. Alls bárust 67 umsóknir og sótt var um 520 mánuði. Sigmundur Páll Freysteinsson, Íris Indriðadóttir og og Arnar Már Jónsson eru meðal þeirra hönnuða sem hljóta starfslaun hönnuða árið 2025.

Indriðaverðlaunin voru haldin hátíðleg þann 25. nóvember síðastliðinn. Handhafi verðlaunanna að þessu sinni var Katrín Alda Rafnsdóttir fyrir skó -og fylgihlutamerki sitt Kalda.