Nær fullt var út úr dyrum á fyrirlestri Tatiönu Bilbao sem Arkitektafélag Íslands hélt þriðjudaginn 3. október. Fyrirlesturinn var tekinn upp og er hægt að nálgast hann hér.

Búið er að opna fyrir umsóknir á HönnunarMars 2024 sem fer fram í sextánda sinn dagana 24 - 28. apríl. Vertu með!

Scandinavian Design Awards 2024 leitar að tilnefningum, frestur til 6. október. Verið er að leita ef framúrskarandi hönnun, arkitektúr og innanhúshönnun frá Noregi, Svíþjóð, Finnlandi, Danmörku og Íslandi. Verðlaunin fara fram í tengslum við Stockholm Furniture Fair 6. febrúar 2024.

Þriðjudaginn 3. október kl. 17.00 mun Tatiana Bilbao, alþjóðlega þekktur og margverðlaunaður arkitekt frá Mexíkóborg, halda fyrirlestur í Grósku. Tilefnið er 20 ára starfsafmæli arkitektúrdeildar Listaháskóla Íslands og fyrsta útskrift meistaranema í arkitektúr á Íslandi.

Frá og með 1. janúar 2024 verður AÍ eingöngu fagfélag en ekki fag-og stéttarfélag. Þess í stað hefur verið stofnaður sérstakur faghópur arkitekta innan Fræðagarðs. Þar getur félagsfólk unnið að kjaramálum stéttarinnar.

Húsnæðis-og mannvirkjastofnun auglýsa eftir umsóknum um styrki í Ask mannvirkjarannsóknarsjóð. Umsóknarfrestur er til og með 31. október 2023.

Ný dómnefnd Hönnunarverðlauna Íslands árið 2023 er tekin til starfa og er skipuð átta vel völdum einstaklingum sem eru fulltrúar ólíkra faghópa innan hönnunar og arkitektúrs.

Arkitektafélag Íslands og LHÍ fagna þeim tímamótum að arkitektúrdeild LHÍ hefur verið starfrækt í tuttugu ár og í vor útskrifuðust fyrstu meistarasnemarnir í arkitektúr á Íslandi. Að því tilefni hefur AÍ og LHÍ boðið til landsins hinum þekkta arkitekt, Tatiönu Bilbao, sem í byrjun október mun halda vikulanga vinnustofu fyrir nemendur við arkitektúrdeild LHÍ. Reykjavíkurborg tekur þátt í þessum fögnuði og býður fagsamfélaginu upp á opinn fyrirlestur.

Sigurður Ingi Jóhannsson, innviðaráðherra, skipaði stýrihóp um breytingar á byggingarreglugerð fyrr í sumar. Til þess að vinna við breytingar á byggingarreglugerð skili sem mestum og bestum árangri er mikilvægt að öll þau sem vinna með reglugerðina dagsdaglega geti komið athugasemdum sínum á framfæri til baklandsins.

Laugardaginn 16. september kl. 13.00 býður Fundur fólksins upp á viðburðinn Nýja norræna Bauhaus hreyfinging-Hvernig viljum við lifa og byggja í kolefnahlutlausum heimi? (e. New Nordic Bauhaus – How will we live and build in a carbon neutral world?). Þátttakendur verða Arnhildur Pálmadóttir, arkitekt og meðeigandi í Lendager Group; Halla Helgadóttir frkv.stj. Miðstöðvar hönnunar og arkitektúrs, Anna María Bogadóttir arkitekt og rithöfundur, Björn Karlsson, prófessor og ráðgjafi hjá innviðaráðuneytinu.

Góð loftræsing mannvirkja er órjúfanlegur hluti heilnæmis, orkunotkunar og endingar mannvirkja. HMS býður á málstofu þriðjudaginn 19. september n.k. kl. 14:00 í Borgartúni 21 þar sem loftræsting verður í aðalhlutverki.

Ert þú með auka herbergi? Svefnsófa? Vilt kynnast nýju fólki í sama geira og þú? Listaháskóli Ísland í samvinnu við Arkitektafélag Íslands óskar eftir arkitektum til að hýsa gesti ráðstefnunnar The Third Ecologie sem fram fram hér á landi 11.-13. október á þessu ári. Alls er búist við 150 gestum víðsvegar að.