Steinsteypufélag Íslands óskar eftir ábendingum til Steinsteypuverðlaunanna 2024. Óskað er eftir því að ábendingar berist félaginu fyrir 28. desember 2023 en Steinsteypuverðlaunin verða veitt á Steinsteypudaginn, þann 2. febrúar 2024. Veitt verður viðurkenning fyrir mannvirki á Íslandi þar sem saman fer áhugaverð og vönduð notkun á steinsteypu í manngerðu umhverfi.

Siðareglur Arkitektafélags Íslands voru síðast samþykktar á aðalfundi félagsins 2001, eða fyrir 22 árum síðan. Nú í byrjun desember ætlar siðanefnd og stjórn auk allar áhugasamra að hefja vinnu við endurskoðun á reglunum og ætlar Páll Rafnar Þorsteinsson hjá Siðfræðistofnun HÍ að vera okkur innan handar.

Frestur til að skila inn fyrirspurnum fyrir samkeppni um byggingu stúdentagarða fyrir Félagsstofnun stúdenta á Akureyri rann út fimmtudaginn 9. nóvember síðastliðinn. Hér má sjá fyrirspurnirnar og svörin við þeim.

Ársfundur Minjastofnunar verður haldinn fimmtudaginn 23. nóvember næstkomandi í Safnahúsinu, Hverfisgötu 15 í Reykjavík. Fundurinn hefst kl. 13:00 og stendur yfir til kl. 15:30.

Það var mikið um dýrðir í Grósku þann 9. nóvember þegar Hönnunarverðlaun Íslands voru afhent með pompi og pragt. Dagurinn hófst á því að gestir fengu góða innsýn inn í þau níu framúrskarandi og fjölbreyttu verkefni sem tilnefnd voru til verðlaunanna í ár í þremur mismunandi flokkum. Í kjölfarið var svo verðlaunaafhending með tilheyrandi fögnuði.

Pítsustund eftir Fléttu og Ýrúrarí er sigurvegari í flokknum Verk á Hönnunarverðlaunum Íslands 2023 fyrir að vera frumlegt og gott dæmi um hvernig hönnun getur vakið fólk til umhugsunar með eftirminnilegri upplifun og áhugaverðri félagslegri tilraun.

Loftpúðinn eftir Fléttu fyrir FÓLK Reykjavík er sigurvegari í flokknum Vara á Hönnunarverðlaunum Íslands 2023 fyrir að vera nútímalegir, einstakit og fallegir auk þess að vera frábært dæmi um nýskapandi hönnun með áherslu á hringrás.

Angústúra bókaforlag hlýtur viðurkenningu fyrir bestu fjárfestingu í hönnun á Hönnunarverðlaunum Íslands 2023 en bókaforlagið hefur frá upphafi átt í samstarfi við leiðandi hönnuði og átt sinn þátt í skrásetningu á hönnunarsögu landsins.

Þriðjudaginn 7. nóvember kl. 20.00 mun Hilmar Gunnarsson, stofnandi og framkvæmdastjóri Arkio, mæta í Grósku og kynna Arkio en Arkio er hönnunarhugbúnaður sem gerir hönnuðum kleift að hanna byggingar eða borgarskipulag með einföldum hætti með VR og AR tækni.

HMS býður mannvirkjahönnuðum landsins á fund vegna verkefnisins „Eitt viðmót fyrir stafræn hönnungargögn og byggingarleyfisumsóknir“ í hádeginu fimmtudaginn 9. nóvember frá 11.30-12.45 í beinu streymi á Teams.

Myndbönd af samkeppnissvæði þar sem stúdentagarðar eiga að rísa á Akureyri eru nú aðgengileg.

Opið er fyrir umsóknir í Saman ~ menningar- &matar markaður sem fer fram laugardaginn 9. desember í Hörpu. Um er ræða vettvang fyrir skemmtilegustu, áhugaverðustu og færustu hönnuði, listamenn, matar- og drykkjarframleiðendur til að selja vörur sínar, bjóða afslætti, setja óvæntar nýjungar og kynna vörumerki.